2 SAMUEL 8:6 - KITTA' MATANGKASA'

⁶ Nampa ambangung Daud pakkemaang-pakkemaang tantara lalang ri daerana ke'nanga, siagang tundu'mi ke'nanga kammayatompa a'bayara' passare mae ri ia. Nisarei Daud ri Batara pammetang manna pole kemae napa'bunduki.

2 SAMUEL 8:6 Iomraidhean Croise

2 SAMUEL 10:19

Ri wattunna sikamma karaeng nikoasaia ri Hadadezer nacini'mi angkanaya nibetami ke'nanga ri tantara Israel, napala'mi ke'nanga assibajiki nampa tundu' mae ri tu Israel. Appakkaramula anjo wattua tenamo nabarani tu Siria ambantui tu Amon.

2 SAMUEL 3:18

Jari iaminne kasampatang mae ri kau. U'rangi angkanaya le'ba'mi a'janji Batara mae ri Daud, angkanaya eroki Napake Daud untu' ampasalamaki umma'Na Israel battu ri tu Filistin siagang battu ri sikontu musunna maraenganga.”

2 SAMUEL 5:10

Pila' sallo pila' kassa'mi Daud, lanri nitulungi ri Batara, Allata'ala Kaminang Koasaya.

2 SAMUEL 7:9

Le'ba' mako Kururungang manna pole kemae lampanu, siagang sikontu musunnu le'ba'mi Kutumpasa' ri wattunnu a'bundu'. LaKupa'jariko masahoro' sangkamma pamimping-pamimping kaminang lompoa ri lino.

2 SAMUEL 8:14

Ambangummi pakkemaang-pakkemaang tantara ri sikontu Edom, na anjo sikontu tu Edom tundu'mi mae ri ia. Nisarei Daud pammetang ri Batara manna pole kemae napa'bunduki.

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

2 SAMUEL 8:7

Sikamma pa'lapa' barambang bulaeng napakea tantarana Hadadezer nirampasaki ri Daud nampa naerang mange ri Yerusalem.

1 KARAENG-KARAENG 4:21

Massing-massing kaluarga para nia' koko anggoro'na siagang koko arana. Lalang sikontu tallasa'na Salomo ra'yaka ri sikontu Yehuda siagang Israel, appakkaramula battu ri Dan sa'genna Bersyeba, amangi siagang sannangi tallasa'na. Nasaba', sikontu karaenga ilaukanna Efrat tundu' ngasengi mae ri ia, siagang sikontu bansa battua ri pa'rasangang-pa'rasangang niaka ri tammulilina kakaraenganna agang ngasengi siagang ia. Butta niaka ri laukanna Binanga Efrat battu ri Tifsah ri birinna Binanga Efrat tulusu' kalau' ri kota Gaza ri Filistin sa'genna ri pa'baeng-baenna Mesir, yangasenna nikoasai ri Salomo. Sikamma bansa niaka anjoreng tundu' ngasengi mae ri ia siagang a'bayaraki passare mae ri ia. Apa-apa nikanre naparalluanga Salomo allo-allona nia' 5.000 litere' labu' halusu', 10.000 litere' labu' kasara', sampulo kayunna sapi nibaraya, ruampulo sapi ri paranga, siagang sibilangngang kayunna gimbala'. Pantaranganna anjo, iamintu pole jonga, kijang, siagang olo'-olo' akka'nyika.

2 KARAENG-KARAENG 1:1

Ri wattunna matemo Ahab iamintu karaenna tu Israel, angngewami tu Moab mae ri tu Israel.

2 KARAENG-KARAENG 14:28

Pau-pau maraengannaya ri passala'na Karaeng Yerobeam II, ri passala'na kabaranianna lalang ri siapa area pa'bundukang siagang antekamma batena angngallei ammotere' Damsyik siagang Hamat battu ri Yehuda untu' tu Israel, yangasenna niaki nicata' lalang ri kitta' “Riwaya'na sikamma karaeng Israel.”

2 KARAENG-KARAENG 18:7

Lanri kammanami anjo natuli nitulung ri Batara, sa'genna a'jari ngaseng sikontu usahana. Angngewai ri karaeng Asyur, siagang tena naero' tundu' mae ri ia.

2 KARAENG-KARAENG 3:4

Karaeng Mesa battu ri Moab ammarakai gimbala'. Tunggala' taungi assare 100.000 ana' gimbala' siagang 100.000 kukkulu' gimbala' laki.

1 PATTOTTORANG 18:13

nampa ambangung kema-kema tantara ri sikontu Edom. Jari tundu' ngasemmi tu Edom mae ri Daud. Batara assarei pammetang ri kere-keremae Daud a'bundu'.

2 PATTOTTORANG 17:2

Ammoliki tantara ri sikontu kota niaka tembo' pattahanganna ri Yehuda, ri daera pantara'na kota Yehuda, kammayatompa ri kota-kota le'baka nabeta manggena ri daera Efraim.

PAMMUJI 140:7

O, Batara, kukana: IKattemi Allata'ala, Kiparhatikanga' lalang pappala' doangku.

PAMMUJI 60:10

Mingka Moab tampa' pa'bissang bangkengKu; akkio' rannuA' ri pammetangKu mae ri Filistea. Kupasambilai pa'lapa' bangkengKu a'jari pammatei angkana iNakke pata anjo.”

PANGNGEBARANG 21:31

Manna pole nipa'langka' pa'bundukanga siagang jarang pa'bundukang, mingka ampattantuai pammetanga iamintu Batara.

1 SAMUEL 13:3

Nampa Yonatan nabunomi panglimana tu Filistin niaka ri Geba, na nalangngere'mo bansa Filistin kabara'na anjo. Nasuro pasa'rami Saul tarompeka ri sikontu pa'rasangang untu' angkioki tu Ibrania sollanna maju mange a'bundu'.

1 SAMUEL 14:1

Ri se'reang wattu nakanamo Yonatan mae ri turungka paerang sanjatana, “Umba ki'lampa mange ri balla' jagana tu Filistin niaka anjoreng ba'leang!” Mingka tena nappala' kana mae ri manggena.

1 SAMUEL 14:15

Passabakkang ia anjo kajarianga, gegere'mi tu Filistin ri kemana siagang ri sikamma paranga. Sikontu ra'ya' Filistin kammaya niaka ri balla'-balla' jagaya, siagang pa'rappungang paellaka a'jari malla' ngasemmi; ba'lalo kamma ta'ge'goso'mi buttaya, siagang sanna'mi siricu-ricuinna ke'nanga.

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”