2 SAMUEL 7:10 - KITTA' MATANGKASA'

^10-11 Nampa pole, untu' ummakKu Israel le'ba'mi Kupasadiang tampa' siagang Kusuroi ke'nanga ammantang tuli anjoreng, sollanna akkulle sannang tallasa'na ke'nanga, tenamo naniricui pole. Baku' battuna ke'nanga mae anrinni ri buttaya riolo, na Kuangka' pamimping-pamimpinga untu' ke'nanga, nibunduki ke'nanga ri sikamma tau mangngaia ri gau' katerassang, mingka anjo passala' kammaya tenamo nalakajariang poleang. A'janjiA' angkanaya laamangko battu ri sikontu musua, siagang laKusareko jari-jari.

2 SAMUEL 7:10 Iomraidhean Croise

2 KARAENG-KARAENG 21:8

Na punna naturuki umma' Israel sikontu parentaKu siagang hukkung-hukkung napassareanga Musa atangKu mae ri ke'nanga, tena nalaKulappassang ke'nanga nibongka battu ri pa'rasangang le'baka Kupassareang mae ri boe-boena ke'nanga.”

1 PATTOTTORANG 17:9

Untu' ummakKu Israel Kupasadiammi tampa' untu' a'jari butta passolongang cera'na ke'nanga, sollanna akkulle sannang tallasa'na ke'nanga siagang tena angganggui pole. Appakkaramula battuna ke'nanga anrinni ri buttaya riolo, siagang ri wattu tenanapa karaenna ke'nanga, nibunduki ke'nanga ri sikamma tau nangaia katerassanga. Mingka anne kammaya taKupa'biangami kajariang poleang. A'janjiA' angkana laKubeta ngasengi sikontu musunnu, siagang laKusareko katurungang.

2 PATTOTTORANG 33:8

Punna naturuki umma' Israel sikontu parentaKu siagang hukkung-hukkung napassareanga Musa atangKu mae ri ke'nanga, tena nalaKulappassang ke'nanga nibongka assulu' battu ri pa'rasangang le'baka Kupassareang mae ri ke'nanga.”

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 44:4

Anjo buttaya tena naalle passai ke'nanga siagang pa'dang; teai lanri kagassingang kalenna nammeta ke'nanga, mingka lanri koasana siagang cayana kahaderanTa, saba' mangngellaiKi' mae ri ummatTa.

PAMMUJI 80:8

O, Allata'ala Kaminang Koasaya, Kipammollei ikambe lammoro' pa'mai' maKi' anciniki ikambe, sollanna salama' ikambe.

PAMMUJI 80:9

UmmatTa sanrapangi poko' anggoro' Kipaletteka battu ri Mesir. Kibongkai bansa-bansa maraenga, nampa Kilamung anjo pokoka ri pa'rasanganna ke'nanga.

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

KALAPPASSANG 15:17

Nampa Kiantara' tu Israel mange ri tampa' Kipilea untu' pammantanganTa. Ammantang tulimi ke'nanga ri bulu' matangkasatTa, ri Balla' Kibangunga KalenTa.

YESAYA 5:2

Nabingkungi buttana, na napela' batu-batunna. Nalamungi anggoro' nipile nambangung balla' tinggi pa'jagang. Angngekei se're kali'bong tampa' pammaccokang anggoro'na, nampa attayang rappo ti'noka, mingka kacci wassele' rappo anggoro'na.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YESAYA 60:18

Tenamo kabara'na nikanaya katerassang nigaukang ri pa'rasangannu, nikanaya kaancuranga siagang karuntungang ri daeranu. RapangA' tembo' lanjagaiko, nalanupujiA' a'jari mappasalama'nu.

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YEREMIA 18:9

Kabalekanna, punna Kutappuki untu' ampaentengi yareka ampakajarreki se'rea bansa yareka kakaraengang,

YEREMIA 24:6

LaKujagai ke'nanga siagang laKuerangi ke'nanga ammotere' mae anrinni ri pa'rasanganga. LaKupabangungi ke'nanga, tena naKuruntungi; laKulamungi, tena naKubi'buki ke'nanga.

YEHEZKIEL 28:24

Nakana Batara, “Sikamma pa'rasangang singngampi'na Israel le'baka anghinai, tenamo nala'jari rapang katinting anno'do' mae ri Israel. La'jari sadaraki ke'nanga angkanaya iNakke Batara Kaminang Tinggia.”

HOSEA 2:18

Anjo wattua lapparekKa' parjanjiang siagang sikontu rupanna olo'-oloka, sollanna tanaganggua ke'nanga ummakKu. LaKupammari sikontu pa'bundukanga siagang Kupabella ngasengi sikontu pakkakasa' pa'bundukanga battu ri pa'rasanganna ummakKu, naKupakasannang siagang Kupakaamang tallasa'na ke'nanga.

AMOS 9:15

LaKuboliki ummakKu ri pa'rasangang le'baka Kupassareang mae ri ke'nanga. Tenamo nalanibi'bu' ammotere' ke'nanga battu anjoreng. INakke, Karaeng Allata'alana ke'nanga anne akkana.”

PAPPICINI' 21:4

LaNasapui sikamma je'ne' mata niaka ri matanna ke'nanga. Tenamo nalania' kamateang; tenamo si'na, karru', kammayatompa garringa latena ngaseng tommi. Sikontu apa-apa salloa lanynya' ngasemmi.”

HAKING-HAKING 4:3

Nia' 900 kareta bassi naballaki Yabin untu' napake a'bundu'. Ruampulo taungi najaja siagang nasessa tu Israel. Nampa akkio'mo tu Israel appala' tulung ri Batara.

1 SAMUEL 13:17

Ri ia todong anjo wattua, nia' tallu pa'rappungang paella' tu Filistin a'lampa battu ri kemana ke'nanga untu' a'lampa angngella'. Sipa'rappungang makase'rea a'lampa mangei ri Ofra ri daera Syual.