2 SAMUEL 5:3 - KITTA' MATANGKASA'

³ Appare'mi parjanjiang Daud siagang anjo pamimping-pamimpinna tu Israel, nampa nilanti' ri ke'nanga a'jari karaeng mae ri Israel.

2 SAMUEL 5:3 Iomraidhean Croise

2 SAMUEL 2:4

Nampa battumo tu Yehuda mange ri Hebron, na nalanti' Daud a'jari karaeng mae ri tu Yehuda. Nalangngere'na Daud angkanaya le'ba'mi nitarawang maya'na Saul ri tu Yabesh ri Gilead,

2 SAMUEL 2:7

Pakasa'baraki pa'mai'nu siagang gaukangi gau' kabaranianga! Saul, karaennu matemi, mingka le'ba'ma' nalanti' tu Yehuda a'jari karaenna ke'nanga.”

2 SAMUEL 3:21

Le'baki anjo appala'kanami Abner siagang angkana, “Kilappassamma' a'lampa untu' ampagioki sikontu tu Israel sollanna asse're ke'nanga siagang karaengku. Lanatarimaki' ke'nanga a'jari karaeng, na lanri kammana na karaengku lammarenta mae ri sikontu pa'rasanganga, situru' ero'na karaengku.” Nampa nilappassammo Abner a'lampa ri Daud siagang nitanggongi kasalamakkanna.

1 KARAENG-KARAENG 1:34

Anjoreng musti niangkaki ri Zadok siagang Natan a'jari karaeng Israel. Le'baki anjo musti nupasa'rai tarompeka nampa akkio' rannuko angkana, ‘Mattallasaki Karaeng Salomo!’

2 KARAENG-KARAENG 11:17

Nasuroi Imang Yoyada Karaeng Yoas siagang ra'yaka appare' parjanjiang siagang Batara angkanaya la'jari ke'nanga Umma'Na Batara. Nasuro tongi karaenga appare' parjanjiang siagang ra'yaka.

1 PATTOTTORANG 11:1

Sikontu pamimping bansa Israel battui mae ri Daud niaka ri Hebron. Nakana ke'nanga, “Ikambe anne bijanta ngaseng.

1 PATTOTTORANG 11:3

Jari appare'mi parjanjiang Daud siagang anjo pamimping-pamimpinna Israel. Nampa nalanti'mo ke'nanga Daud a'jari karaenna Israel sangkamma le'baka Napa'janjiang Batara tete ri Samuel.

1 PATTOTTORANG 28:4

Batara, Allata'ala nasombaya tu Israel, le'ba' ampilea' siagang turungangku untu' ammarenta ri Israel sa'genna satunggu-tungguna. Untu' appasadia sitau pamimping, Napilemi suku Yehuda, na battu ri ia anjo sukua Napilemi kaluargana manggeku. Siagang battu ri sikontua kaluargana manggeku, rellami ampilea' siagang ampa'jaria' karaeng mae ri sikontu Israel.

2 PATTOTTORANG 23:16

Napalaki Imang Yoyada ri Karaeng Yoas siagang ri ra'yaka sollanna assama-sama ke'nanga siagang ia appare' parjanjiang angkanaya la'jari ke'nanga umma'Na Batara.

NEHEMIA 9:38

Lanri sikamma anjo apa kajarianga, ikambe ra'ya' Israel appare' maki' parjanjiang majarreka siagang tattulisi', nampa nisare sitempele' battu ri sikamma pamimpinna ikambe, tu Lewi, siagang sitau imang battu ri kambe.

KALAPPASSANG 3:16

A'lampamako siagang passe'rei sikontu pamimpinna tu Israel. Pa'la'bangi pauang ke'nanga angkana iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba'mi Kupappicinikang KalengKu mae ri kau. Pauangi ke'nanga angkanaya battuMa' mae ri ke'nanga siagang Kucini'mi antekamma batena nigau' ke'nanga ri bansa Mesir.

YOSUA 10:36

Battu ri Eglon, angngambiki Yosua siagang tantarana ri pa'monconganga nampa a'lampa mange ri kota Hebron, nampa nabunduki

HAKING-HAKING 11:11

Jari a'lampami Yefta siagang pamimping-pamimpinna Gilead. Nampa niangka'mo ri ke'nanga a'jari pamarenta siagang pamimping. Na ri dallekanNa Batara ri Mizpa, napaumi Yefta sikamma apa nakaerokia mae tuniaka ri Gilead.

1 SAMUEL 11:15

Jari a'lampa ngasemmi ke'nanga mange ri Gilgal. Nampa nipa'jari resmimo Saul a'jari karaeng anjoreng ri tampa' passambayanganga. Assaremi ke'nanga koro'bang pappasiama'; na nasuarrimo Saul siagang sikontu bansa Israel anjo pa'gaukanga.

1 SAMUEL 16:13

Angngallemi linta' Samuel minynya' zaitun nampa naminynyaki Daud ri dallekanna sikamma daenna ngaseng. Anjo wattua nikoasai memammi Daud ri RohNa Batara. Appakkaramula anjo alloa siagang situlusu'na nirurungammi ri RohNa Batara. Nampa ammotere'mo Samuel mange ri Rama.

1 SAMUEL 23:18

Nampa appare'mo Daud siagang Yonatan parjanjiang passari'battangang ri dallekanNa Batara. Le'baki anjo ammotere'mi Yonatan ri balla'na, na Daud ammantangiji ri Hores.