2 SAMUEL 4:8 - KITTA' MATANGKASA'

⁸ Nampa napassareang ke'nanga anjo ulunna Isyboset mae ri Daud ri Hebron siagang nakana, “Iaminne ulunna Isyboset, ana' bura'nena Saul, musunna karaengku eroka ambunoi karaengku. Anne alloa nabalasaki panggaukanna Saul siagang jari-jarina untu' ikatte.”

2 SAMUEL 4:8 Iomraidhean Croise

2 SAMUEL 18:19

Nampa nakanamo Ahimaas ana'na Zadok mae ri Yoab, “Kellaima' lari a'lampa mange ri karaenga angngerang kabara' baji' angkanaya nipasalama'mi ri Batara battu ri musunna.”

2 SAMUEL 18:31

Nampa battu tommo atanna Yoab, siagang nakanamo ri karaenga, “Kabara' baji' naerang atanta untu' ikatte karaeng. Anne alloa Nasare maki' Batara pammetang mae ri sikontu tau angngewaya mae ri katte.”

2 SAMUEL 2:8

Ia panglimana tantarana Saul, iamintu Abner ana'na Ner, larimi siagang Isyboset ana'na Saul, mange ri Mahanaim ri ba'leanna Binanga Yordan.

2 SAMUEL 22:48

Nasarea' pammetang mae ri musungku, Napadundui bansa-bansaya ri dallekangku,

PAMMUJI 71:24

Sila'busu' alloi lakukabarrang kaadelanTa, saba' sikamma tau eroka ancilakaia' le'ba'mi nibeta siagang nipakasiri'.

MATIUS 2:20

Nakana anjo malaekaka, “Mate ngasemmi sikontu tau eroka ambunoi antu Anaka. Jari ambangung mako, allei antu Anaka siagang amma'Na siagang ammotere' mako mange ri Israel.”

PAPPICINI' 18:20

He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

PAPPICINI' 6:10

Akkio' lompomi ke'nanga angkana, “O Batara Kaminang Koasaya, Ia matangkasaka na tojeng! Siapapi sallona nampa Kiadeli tuma'buttaya ri lino siagang Kihukkung ke'nanga lanri nabunona ikambe?”

1 SAMUEL 18:11

Appikkiri'mi Saul angkana, “Kupatintimmi anne pokea mae ri kalenna Daud sa'genna tattinting antama' ri rinringa!” Nampa napasambilamo anjo pokea sa'genna pinruang mae ri kalenna Daud, mingka akkullei napasala Daud.

1 SAMUEL 19:1

Napaui Saul mae ri ana'na Yonatan, siagang sikontu pagawena angkana eroki nabuno Daud. Mingka Yonatan sanna' nasayanna Daud.

1 SAMUEL 19:15

Mingka Saul nasuromi ke'nanga a'lampa pole mange anjoreng untu' anciniki Daud siagang mata kalenna ke'nanga. Naparentakangi angkana, “Erangi mae anrinni siagang katinroanna, nampa kubuno.”

1 SAMUEL 20:1

Jari larimi Daud battu ri ampi'na Rama nampa a'lampa mange angngagangi Yonatan sibuntulu'. Nampa akkuta'nang angkana, “Apa kasalangku. Kaja'dallang apa le'ba' kugaukang siagang apa dosaku mae ri manggenu sa'genna ero' ambunoa'?”

1 SAMUEL 23:15

Mingka manna nakamma malla' tonji Daud, lanri ero'na Saul ambunoi. Ri se'reang wattu niaki Daud ri Hores, ri parang lompo Zif.

1 SAMUEL 24:4

Nampa nakanamo ana' buana Daud ri ia, “Iaminne kasampatanta bapa'! Sai le'baki Nakana Batara ri katte angkanaya, ‘LaKupassareangi musunnu mae ri kau, gaukammi apa nukaerokia mae ri ia!’ ” Nampa a'lampa cokko-cokkomo Daud mange ri tampa'na Saul nampa nakere' cokko-cokko sike'de' biring jubana.

1 SAMUEL 25:29

Ebara' angkana nia' tau ambunduki karaengku siagang ancobai ero' ambunoi karaengku, mattantu laNakatutuiki' Karaeng Allata'ala sanrapang barang-barang nijagaia ri patanna. Mingka sikamma musu-musunna karaengku lanipasambilai bella-bella ri Batara, nipasambila siagang patte'.