2 SAMUEL 4:12 - KITTA' MATANGKASA'

¹² Le'baki anjo naparentakammi Daud mae ri ana' buana untu' ambunoi Rekhab siagang Baana. Le'baki nibuno, nipolommi limanna siagang bangkenna ke'nanga nampa nigentung ri ampi'na balanga. Mingka ulunna Isyboset niallei siagang nitarawangi ri anjo kotaya todong, ilalang ri jera'na Abner.

2 SAMUEL 4:12 Iomraidhean Croise

2 SAMUEL 1:15

Nampa nakio' kalase'renna ana'-ana'na siagang naparentakang angkana, “Bunoi anjo taua!” Nacokami anjo tu rungka battua ri Amalek sa'genna mate.

2 SAMUEL 16:8

Ikaumi le'ba' anrampasaki kakaraenganna Saul! Kamma-kamma anne nihukkungko ri Batara lanri jaina bija pammanakanna Saul nubuno. Napassareammi Batara kakaraengannu mae ri Absalom ana'nu. Kamma-kamma anne poro ancuru' lalo mako, he ikau pabuno tau!”

2 SAMUEL 2:8

Ia panglimana tantarana Saul, iamintu Abner ana'na Ner, larimi siagang Isyboset ana'na Saul, mange ri Mahanaim ri ba'leanna Binanga Yordan.

2 SAMUEL 21:9

Nipassareangi ke'nanga mae ri tu Gibeon, nampa mate kabusu'mo ke'nanga nigentung irate ri bontoa ri dallekanNa Batara. Ri wattu kala'busanna wattu paccu'lakkanna lamung-lamunga nanihukkung mate ke'nanga, iamintu ri wattu appakkaramulana taua angngalle jelai.

2 SAMUEL 3:32

Anjorengi ri Hebron nitarawang Abner, nampa karaenga siagang sikontu ra'yaka angngarru' lompoi ri dallekanna anjo jeraka.

PAMMUJI 55:23

Erangi sikontu ranggaselanu mae ri Batara, Iami lassareko kagassingang; saba' tena Nabalang parekangi tau lambusuka nibeta.

MATIUS 7:2

Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.