2 SAMUEL 3:8 - KITTA' MATANGKASA'

⁸ Na'jari sanna'mo larrona Abner napakamma, siagang nakanamo, “Apa kikananga' karaeng a'bali' ballang mae ri Saul siagang agang mange ri tu Yehuda? Battu rioloji natena pamminrana nyawaku mae ri Saul manggena karaengku, siagang mae ri bija pammanakanna kammayatompa mae ri agang-aganna ngaseng. Le'ba'mi kutulung karaengku sa'genna takkulleaki' nibeta ri Daud. Mingka manna nakamma kihinaja' lanri passabakkang baineji bawang.

2 SAMUEL 3:8 Iomraidhean Croise

2 SAMUEL 16:9

Nakanamo Abisai andi'na Yoab ana'na Zeruya mae ri karaenga, “Apa saba'na nakilappassang anjo pangacoa antunraki' karaeng? Kikellaima' ansamballei kallonna!”

2 SAMUEL 2:8

Ia panglimana tantarana Saul, iamintu Abner ana'na Ner, larimi siagang Isyboset ana'na Saul, mange ri Mahanaim ri ba'leanna Binanga Yordan.

2 SAMUEL 3:18

Jari iaminne kasampatang mae ri kau. U'rangi angkanaya le'ba'mi a'janji Batara mae ri Daud, angkanaya eroki Napake Daud untu' ampasalamaki umma'Na Israel battu ri tu Filistin siagang battu ri sikontu musunna maraenganga.”

2 SAMUEL 3:9

Bajikangngang Daud kutulung, la'biangampa lanri le'ba'na a'janji Batara mae ri ia laNaalle anne kakaraenganga battu ri Saul siagang jari-jarina, nampa Naangka' Daud a'jari karaeng mae ri sikontu tu Israel siagang tu Yehuda. Dasi-dasi naNabunoa' Allata'ala, punna tena nakugaukangi janjinNa Allata'ala mae ri anjo Daud!”

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

2 SAMUEL 9:8

Su'ju'mi pole Mefiboset siagang nakana, “Apa todong anggaranna anne atanta! Angngapa kibajikkamma mae ri atanta anne karaeng?”

2 KARAENG-KARAENG 8:13

Appialimi Hazael angkana, “Inakke anne tau tena anggarangku; tena olona lania' koasaku kammaya anjo lompona!” Appialimi Elisa angkana, “Le'ba'ma' Napaccinikang Batara angkanaya la'jariko karaeng ri Siria.”

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

YESAYA 37:23

Nuassenji angkana inai anjo nupakka-pakkanaia siagang nuhinaya? INakke, Allata'alana Israel, Allata'ala matangkasaka.

PAOLE 23:18

Kammayatompa anjo doe' nagappaya battu ri panggaukang bawanna, takkulleai nierang mae ri Balla'Na Karaeng Allata'alanu untu' pa'bayara' tinja', nasaba' tanangaiyai Karaeng Allata'alanu pagau' bawanga ri balla'-balla' panynyombanga mae ri rewataya siagang tena todong nangai wassele' gau' bawanga.

1 SAMUEL 15:28

Nakanamo Samuel ri ia, “Anne alloa Nakekke'mi Batara kakaraenganna Israel battu ri katte, nampa Napassareang mae ri tau maraenga, ia bajikangnganga naikatte.

1 SAMUEL 17:43

Nakanamo Goliat ri Daud, “Lanuapai anjo takkanga? Apa nucini' kongkonga' anne?” Nampa nahinamo anjo Daud lalang arenna sikamma rewatana ke'nanga.