2 SAMUEL 3:17 - KITTA' MATANGKASA'

¹⁷ Ilalang kammana anjo assipa'bicarami Abner siagang sikamma pamimping-pamimpinna tu Israel na nakana, “Sallo ngaseng mako ero' ampa'jari Daud karaennu.

2 SAMUEL 3:17 Iomraidhean Croise

2 SAMUEL 3:18

Jari iaminne kasampatang mae ri kau. U'rangi angkanaya le'ba'mi a'janji Batara mae ri Daud, angkanaya eroki Napake Daud untu' ampasalamaki umma'Na Israel battu ri tu Filistin siagang battu ri sikontu musunna maraenganga.”

1 PATTOTTORANG 11:10

Iaminne areng-arenna sikamma perwira-perwira tantarana Daud, ia masahoroka. A'rurung siagang sikontu ra'ya' Israel a'bundu'mi ke'nanga sollanna a'jari Karaeng Daud sangkamma apa le'baka Napa'janjiang Batara. Na tuli napakajarre'na ke'nanga pamarentahanna Daud.

PAMMUJI 75:7

Saba' tena nabattu raya yareka battu lau' pangngadelanga tena todong nabattu wara' yareka battu timboro'.

1 SAMUEL 24:20

Kamma-kamma anne tappa'ma' angkanaya ikau la'jari karaeng ri Israel, siagang angkanaya lakassaki kakaraenganna Israel irawangang parentanu.

1 SAMUEL 8:4

Lanri kammana a'rappungang ngasemmi sikontu pamimpinna tu Israel, nampa mange andallekang ri Samuel ri Rama,