2 SAMUEL 24:3 - KITTA' MATANGKASA'

³ Mingka nakanamo Yoab ri karaenga, “Dasi-dasi nanipa'lappi-lappi jaina ra'ya' Israel ri Karaeng Allata'alata, sa'genna a'lappi sibilangngang jaina ri kamma-kammaya anne, kammayatompa dasi-dasi kittallasa' tongija anciniki ke'nanga. Mingka untu' apa nakiero' ansuro bilangi taua karaeng?”

2 SAMUEL 24:3 Iomraidhean Croise

2 SAMUEL 10:12

Pakajarreki nyawanu. Umba kibarjuang siagang barani untu' bansata siagang untu' kota-kotaNa Allata'alata. Dasi-dasi naNagaukang Batara apa Nakaerokia.”

2 SAMUEL 24:4

Mingka tuli terasa'na karaenga ri parentana anjo. Jari a'lampami Yoab siagang sikamma perwira tantarana untu' ansuro bilangi bansa Israel.

PAMMUJI 115:14

Poro Napassareangi Batara jai ana' mae ri kau ngaseng siagang turungannu.

PANGNGEBARANG 14:28

Kakalumanynyanganna karaenga iamintu ri pajaina ra'ya'na; punna tena ra'ya'na takkulleai koasa.

YESAYA 60:5

Lannasa' mako nucini'na anjo siagang accayami rupannu; dinging-dingingi siagang lompoi pa'mai'nu. Nierangi barang-baranna sikamma bansaya mae ri kau, nitambungiko ri kakalumanynyangang battu ba'leang tamparanga.

PAOLE 1:11

Dasi-dasi na Batara, Allata'alana boe-boenu tulusu' antambai jainu sa'genna a'lappi sisa'bu, kammayatompa Napa'jariko bansa akkalumanynyang sangkamma le'baka Napa'janjiang.