2 SAMUEL 2:7 - KITTA' MATANGKASA'

⁷ Pakasa'baraki pa'mai'nu siagang gaukangi gau' kabaranianga! Saul, karaennu matemi, mingka le'ba'ma' nalanti' tu Yehuda a'jari karaenna ke'nanga.”

2 SAMUEL 2:7 Iomraidhean Croise

PA'JARIANG 15:1

Le'baki anjo, anggappami Abram pappiso'na siagang nalangngere'mi Batara angkana ri kalenna, “Teako mallakki Abram. LaKujagaiko battu ri balaya, siagang laKusareko pahala lompo.”

2 SAMUEL 10:12

Pakajarreki nyawanu. Umba kibarjuang siagang barani untu' bansata siagang untu' kota-kotaNa Allata'alata. Dasi-dasi naNagaukang Batara apa Nakaerokia.”

2 SAMUEL 2:6

Lanri kammana anjo, dasi-dasi naNapappicinikang pangngamaseanNa siagang pa'mai' tamamminraNa Batara mae ri kau ngaseng. Inakke lakugau' baji' tongko lanri anjo apa nugaukanga.

2 SAMUEL 2:8

Ia panglimana tantarana Saul, iamintu Abner ana'na Ner, larimi siagang Isyboset ana'na Saul, mange ri Mahanaim ri ba'leanna Binanga Yordan.

2 SAMUEL 5:3

Appare'mi parjanjiang Daud siagang anjo pamimping-pamimpinna tu Israel, nampa nilanti' ri ke'nanga a'jari karaeng mae ri Israel.

2 KARAENG-KARAENG 11:12

Le'baki anjo nierammi Yoas assulu' ri Yoyada, nampa napataba ri ulunna Yoas songko' kakaraenganga, siagang napassareang mae ri ia kitta' HukkunNa Allata'ala. Nilanti'mi Yoas a'jari karaeng, nampa nipa'la'bang anjo passalaka mae ri sikontu ra'yaka. Attempa lima kabusu'mi ke'nanga siagang akkio' rannu angkana, “La'bui umuru'na karaenga!”

NEHEMIA 2:18

Nampa kucaritamo ri ke'nanga antekamma bateku nitulung ri Allata'ala siagang apa le'ba' nakana karaenga mae ri nakke. Appialimi ke'nanga angkana, “Umba kippakkaramula ambangung!” Nampa sadia ngasemmo ke'nanga untu' appakkaramula anjama.

1 KORINTUS 16:13

Paralluko tutu siagang jarre' tappa'nu lalang ri katallassannu salaku tu Karisteng. Pa'baraniangi kalennu anggaukangi jama-jamannu siagang a'jariko tau magassing lalang ri katallassannu.

EFESUS 6:10

Kala'busanna, paralluko magassing, lanri kagassingang nugappaya battu ri kakoasanNa Batara, lanri asse'renu siagang Batara.

1 SAMUEL 31:12

Nia'mo siapa are tu kaminang barani a'lampa battu anjoreng nampa a'jappa sila'busu' bangngi mange ri Bet-Sean. Napanaummi maya'na Saul siagang maya'-maya'na ana'-ana' bura'nena battu ri tembo'na anjo kotaya, nampa naerang mange ri Yabesh, na natunu.

1 SAMUEL 31:7

Ri wattu tu Israel niaka ammantang ri ba'leanna Lappara' Yizreel siagang ri rayanganna Binanga Yordan nalangngereki angkanaya larimi tantara Israel, siagang matemi Saul siagang ana'-ana' bura'nena, larimi ke'nanga ambokoi kota-kotana ke'nanga. Nampa naempoi tu Filistin anjo kota-kotaya.

1 SAMUEL 4:9

Pa'baraniangi nyawanu, ikau tu Filistin! A'bundu' mako sangkamma bura'ne. Punna tena, lanapa'jariko ata anjo tu Ibrania, sangkamma ke'nanga riolo a'jari atai mae ri kau ngaseng. Lanri kammana, a'bundu' mako siagang barani!”