2 SAMUEL 2:6 - KITTA' MATANGKASA'

⁶ Lanri kammana anjo, dasi-dasi naNapappicinikang pangngamaseanNa siagang pa'mai' tamamminraNa Batara mae ri kau ngaseng. Inakke lakugau' baji' tongko lanri anjo apa nugaukanga.

2 SAMUEL 2:6 Iomraidhean Croise

2 SAMUEL 10:2

Nampa nakanamo Daud, “Anjo Nahas agang majarrekku. Jari musti agang tonga' siagang Hanun ana'na.” Lanri kammana anjo akkirimmi Daud tunisuro mange ri pa'rasangang Amon untu' ansaleori Hanun lanri matena manggena.

2 SAMUEL 15:20

Tenapa nusallo ammantang anrinni, angngapa nalakusuroko amminawang a'lampa a'la'bang mange-mange siagang kalengku? Inakke kalengku takuassengai angkana la'lampa kemaea'. Ammotere' mako siagang erang tommi julu bansanu, dasi-dasi naNakamaseangko Batara siagang tamamminraya mae ri kau.”

2 SAMUEL 2:7

Pakasa'baraki pa'mai'nu siagang gaukangi gau' kabaranianga! Saul, karaennu matemi, mingka le'ba'ma' nalanti' tu Yehuda a'jari karaenna ke'nanga.”

2 SAMUEL 9:3

Nampa akkuta'nang karaenga angkana, “Nia' ijaka attallasa' battu ri kaluargana Saul? Erokka' a'gau' baji' mae ri ia, sangkamma le'baka kupa'janjiang mae ri Allata'ala.” Appialimi Ziba angkana, “Nia' ija sitau ana' bura'nena Yonatan. Attempangi.”

2 SAMUEL 9:7

Angkanami Daud, “Teako mallakki. Lalammoro' pa'maika' mae ri kau lanri Yonatan manggenu. Sikontu buttana toanu iamintu Saul, lakupoterangi mae ri kau siagang akkulleko angnganre ri balla' kakaraenganga satunggu-tungguna.”

PAMMUJI 57:3

Akkioka' mae ri Allata'ala Kaminang Tinggia, mae ri Allata'ala angngallea tindakang untu' kalengku.

KALAPPASSANG 34:6

Nampa allalomo Batara ri dallekanna Musa na Nakana, “INakke Batara, iamintu Allata'ala malammoro' pa'maika siagang mangngamaseanga. Anjo pangngamaseangKu alla'bi-la'bi; majarreKa' siagang tena naKulinta' larro.

PANGNGEBARANG 14:22

Inai-nai anggaukangi apa bajika, lanipatappaki na nipakala'biri'; inai-nai anrancanakangi kaja'dallanga niaki ri oloang salaya.

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

MATIUS 5:44

Mingka anne kamma Kukana ri kau ngaseng: kamaseangi sikontu balinnu siagang pappala' doangangi tau assessayako,

MATIUS 5:7

Mate'nei tau mangngamaseanga ri paranna tau; nasaba' iami lanikamaseang todong ri Allata'ala!

YOSUA 2:14

Appialimi anjo tau ruaya angkana, “A'janji ikambe angkana punna Napassareang Batara anne pa'rasanganga mae ri kambe, lanagau' bajikko ikambe, assala' tena nanucaritai manna pole ri nai anne passala'na ikambe. Nitunrai ikambe ri Batara punna tanarupaia ikambe anjo janjinna ikambe.”

RUT 1:8

nakanamo Naomi mae ri anjo ruaya ana' mintunna, “Bajikangang ammotere' mako massing mange ri amma'nu. Poro mabaji' lalo Batara mae ri kau, sangkamma antekamma baji'nu mae ri nakke siagang ri anjo mae ke'nanga ammoterangamo.