2 SAMUEL 16:3 - KITTA' MATANGKASA'

³ Nampa akkuta'nammo karaenga ri ia angkana, “Kemae Mefiboset cucunna karaennu Saul?” Appialimi Ziba angkana, “Tuli nia'na ri Yerusalem, lanri tappaki angkanaya kamma-kamma anne lanapoterangi tu Israel kakaraenganna toana iamintu Saul mae ri ia.”

2 SAMUEL 16:3 Iomraidhean Croise

2 SAMUEL 16:4

Nampa nakanamo karaenga ri Ziba angkana, “Appakkaramula kamma-kamma anne sikontu barang-baranna Mefiboset ikau ngasemmi pata.” Appialimi Ziba angkana, “Tarima kasi karaeng. Dasi-dasi natuli sannang pa'maitta mae ri atanta karaeng!”

PAMMUJI 101:5

Tau a'mere'-merekia ampitinai paranna tau lakuballassi. Tau tampoa siagang tinggi langgaya tena nalakubalang parekangi.

PAMMUJI 15:3

tenaya napitinai paranna tau, tenaya na'gau' ja'dala' mae ri aganna, tenaya nabicara kodi siampi' balla'na;

PAMMUJI 88:18

Sikabusu'na alloa sanrapangi a'ba pangngalarroinTa angkulilingia', antammulilia' battu ri kere-keremae.

KALAPPASSANG 20:16

Teako assarei kasa'biang takontutojeng mae ri parannu tau.

PANGNGEBARANG 1:19

Kamma memangi, angkanaya tau ammakea katerassang a'boya dalle', nyawana tonji ke'nanga lanapabayara'.

PANGNGEBARANG 21:28

Kasa'bianna paballe-ballea tena nalanipatappa'; mingka kananna tau angngassengai lampa-lampana parkaraya, lanitarimai.

MIKHA 7:5

Teako tappakki mae ri singngampi'nu, teako tanjengi mae ri agannu. Tutuko lalang ri kana-kanannu manna pole nabainennuja allangngereki.

YUDAS 1:11

Cilaka ngasengi ke'nanga! Amminawammi ke'nanga rioloang le'baka naolo Kain. Napanaummi kalenna ke'nanga ri kalo'bang kalinguanga sangkamma Bileam, sollanna akkulle ke'nanga anggappa doe'. Na niancuru' tommo ke'nanga lanri angngewana sangkamma Korah.