2 SAMUEL 12:11 - KITTA' MATANGKASA'

¹¹ Assumpa' angkanaya laKupitujuiko bala, iamintu battua ri kaluarga kalennu. LaKuallei sikamma bainennu ri dallekang matannu siagang Kupassareangi mae ri tau maraenga assikatinroanga siagang ke'nanga ri tangngana alloa.

2 SAMUEL 12:11 Iomraidhean Croise

PAOLE 28:30

Punna tena numannuruki ri Karaeng Allata'alanu, anne kammaya lantujuko: La'bayuangko, mingka tau maraeng lambuntingi bayuannu. Lambangungko balla', mingka tena nanupammantangngi. Lanulamungi koko anggoro'nu, mingka tanukanreai rapponna.

2 SAMUEL 15:10

Mingka rioloangannaya anjo le'ba'mi akkiring siapa are tunisuro mae ri sikontu suku Israel angngerang pasang angkana, “Punna allangngerekko sa'ra tarompe', akkio' mako angkana, ‘A'jari karaemmi Absalom ri Hebron!’ ”

2 SAMUEL 15:6

Kammaminjo batena Absalom mae ri sikamma tu Israel eroka ampabattui parkarana mae ri karaenga, na lanri kammana anjo nanaallemo pa'mai'na tu Israel.

YEHEZKIEL 14:9

Punna nia' sitau na'bi nitipu sa'genna assare piali sala, iNakkemi antipui. INakke, Batara Kaminang Tinggia lampakabellai battu ri tu Israel.

PAOLE 17:17

Se'rea karaeng takkulleai jai bainenna, sollanna tena naNabokoi Batara. Tena todong nakkulle napa'jari kalumanynyang kalenna siagang pera' siagang bulaeng.

2 SAMUEL 15:14

Nampa nakanamo Daud mae ri sikontu pagawena niaka ri Yerusalem, “Umba naniallei kalenta. Tena ruanna anne cara sollanta ta'lappasa' battu ri Absalom. Tenamo nasallo nabattu. Akkaro-karoko, gassingka akkulleki' niondang siagang nibeta, sa'genna nibuno kabusu' pandudu'na kotaya.”

2 SAMUEL 16:11

Nampa nakanamo pole Daud ri Abisai siagang sikontu atanna, “Ana' kalengku appattujuang ero' ambunoa'; angngapa nulannasa' ngaseng anciniki panggaukanna anne tu Benyamin? Batara ansuroi antunraia'; lanri kammana teako apa-apai siagang lappassammi nanatunraia'.

AYUB 31:10

lappassammi tau maraeng napappalluang turiballakku; lappassammi ri katinroanna bura'ne maraeng attinro.