2 SAMUEL 10:6 - KITTA' MATANGKASA'

⁶ Nampa naassemmo kalenna tu Amon angkanaya anjo panggaukanna ke'nanga a'jari passabakkang nanimusumo ke'nanga ri Daud. Lanri kammana anjo assewami ke'nanga 20.000 jaina tantara tu Siria niaka ammantang ri Bet-Rehob siagang Zoba, siagang 12.000 jaina tantara battu ri Tob, kammayatompa karaenna pa'rasangang Maakha siagang 1.000 tau ana' buana.

2 SAMUEL 10:6 Iomraidhean Croise

PA'JARIANG 34:30

Nakanamo Yakub ri Simeon siagang Lewi, “Nususai ngasemma' antu. Kamma-kamma anne inakke nakabirisima' tu Kanaan, tu Feris kammayatompa sikontu tau niaka anrinni ri pa'rasanganga. Ikatte taunta tena najai. Punna asse're ngaseng anjo taua angngewa' siagang ambundukia', sikontu bija pammanakanta akkulle ngasengi naancuru'.”

2 SAMUEL 10:5

Mingka siri'-siriki ke'nanga ammotere' mange ri pa'rasanganna ke'nanga. Ri wattunna nipabattu mae ri Daud anjo passalaka, akkirimmi pasang sollanna ammantang anjo sikamma tunisuroa ri Yerikho sa'genna attimbo poleang janggo'na ke'nanga.

2 SAMUEL 10:7

Nalangngere'na Daud anjo passalaka, nasuromi Yoab siagang sikontu tantarana maju angngewai musua.

2 SAMUEL 16:21

Appialimi Ahitofel angkana, “A'lampa maki' mange ri sikamma baine piarana manggeta niaka anjagai balla' kakaraenganga, siagang sikatinroang maki' siagang ke'nanga. Lanaassengi sikontu tu Israel angkana lanri sikamma anjo apa kigaukanga, nakinipa'jari musumo ri manggeta. Jari sikontu tumminawanga mae ri katte pila' katambangi baranina.”

2 SAMUEL 8:3

Nampa nabeta Daud Karaeng Hadadezer ana'na Rehobot ammarentaya ri Zoba, iamintu se're kakaraengang ri ampi'na kota Damsyik. Anjo wattua sitabangi lalang jappana Hadadezer ero' ampakajarreki ammotere' kakoasanna mae ri daera niaka ri ampi'na ulunna Binanga Efrat.

2 SAMUEL 8:5

Tu Siria battua ri Damsyik akkiringi tantara untu' ambantui Karaeng Hadadezer. Mingka nabetai Daud ke'nanga siagang nabunoi nia' 22.000 jaina tau battu ri ke'nanga.

1 KARAENG-KARAENG 11:24

Le'baki Karaeng Daud ambetai Hadadezer siagang ambunoi agang-aganna Hadadezer battua ri Siria. Anjo wattua lari Rezon battu ri Hadadezer siagang napa'rappungangi taua nampa a'jari kapala garombolang. Ia siagang ana' buana a'lampai mange ri Damsyik, nampa ammantang anjoreng ri anjo kotaya. Anjoreng niangka'mi ri ana' buana a'jari karaeng Siria.

2 KARAENG-KARAENG 7:6

Nasaba', nia'mo Napappilangngerang Batara mae ri ke'nanga sangkamma sa'ra gamarrung pasukang lompo a'jarang siagang angngerang kareta maju ero' ambunduki ke'nanga. Nakapangi tu Siria angkanaya le'baki karaeng Israel ambayaraki karaeng Het siagang Mesir kammayatompa tantarana untu' ambunduki ke'nanga.

PAMMUJI 48:4

Allata'ala ammantangi ri kamara'-kamara' Balla' LompoNa, ma'nassa KalenNa tonji anjagai.

KALAPPASSANG 5:21

Nakanamo anjo sikamma mandoroka, “Naassengi Batara panggaukannu! LaNahukkungko sallang! Passabakkang ikaumi sipa'rua nanikabirisi ikambe ri karaenga siagang sikamma pagawena, sa'genna ero'mo ke'nanga ambunoi ikambe.”

PANGNGEBARANG 25:8

Teako akkaro-karo dudu angngerangi parkaranu mange ri pangadelang; saba', punna kale'bakkanna a'nyatai angkana ikau sala, apapi pole akkulle nugaukang?

YEREMIA 40:8

Jari Ismael ana'na Netanya, Yohanan ana'na Kareah, Seraya ana'na Tanhumet, siagang ana'-ana'na Efai battu ri Netofa, kammayatompa Yezanya battu ri Maakha, a'lampa ngasengi siagang taunna ke'nanga mange ri Gedalya ri Mizpa.

YEREMIA 46:21

Ba'lalo sikamma tantara sewana tena pakkullena sanrapang ana' sapi co'mo' dudua. Takkulleai ke'nanga attahang. Kabusu'na a'gilingi nampa lari sollanna salama'. Battumi allonna ke'nanga lanihukkung; narapi'mi wattunna ke'nanga nituju ri bala.

PAOLE 3:14

Yair battu ri suku Manasye angngallei anjo sikontu daera Argob, iamintu battu ri Basan sa'genna ri pa'baeng-baenna Gesur siagang Maakha. Naaremmi anjo desa-desaya sangkamma areng kalenna, na sa'genna kamma-kamma anne tuli alla'banna niasseng salaku desa-desa Yair.)

HAKING-HAKING 11:3

Lanri kammana anjo, assisa'la'mi Yefta siagang anjo sikamma sari'battanna. Nampa mange ammantang ri daera Tob. Anjoreng a'rappungammi siagang garombolang ja'dala'. Nampa a'lampa ke'nanga mange anrampo'!

HAKING-HAKING 11:5

Ri wattunna kajariang anjo kammaya, a'lampami sikamma pamimpinna Israel, mange angkioki Yefta na nabokoi daera Tob.

1 SAMUEL 13:4

Mae ri sikontu bansa Israel napaumi Saul angkanaya le'baki nabuno panglimana tu Filistin, siagang angkanaya sanna'mi birisi'na tu Filistin mae ri tu Israel. Lanri kammana, amminawang turu'mi ra'yaka ri pakkio'na Saul untu' a'rappungang siagang ia ri Gilgal.

1 SAMUEL 27:12

Mingka Akhis napatappaki Daud na napikkiri' lalang ri atinna angkanaya, “Sannaki nikabirisinna ri bansana kalenna, sa'genna tarpassa a'jari atangku lalang sikontu tallasa'na.”