2 SAMUEL 1:8 - KITTA' MATANGKASA'

⁸ Akkuta'nangi angkana inai atanta. Na napaumo atanta angkanaya anne atanta tu Amalek.

2 SAMUEL 1:8 Iomraidhean Croise

PA'JARIANG 14:7

Le'baki anjo ammotere'mi pole anjo tau angngondanga mange ri En-Mispat, ia niarenga Kades kamma-kamma anne. Nakoasaimi ke'nanga sikontu butta Amalek, kammayatompa nabetami ke'nanga tu Amori niaka ammantang ri Hazezon-Tamar.

2 SAMUEL 1:13

Nampa akkuta'nang Daud ri anjo tu rungka angngeranga kabara' angkana, “Battu kemae assala'nu?” Appialimi angkana, “Anne atanta tu Amalek, tubattu-battu ri pa'rasanganna karaengku.”

2 SAMUEL 1:7

Assailei Saul mae ri boko, na nacini' atanta, nampa nakio' atanta. Nappialimo atanta, angkana, ‘Iye' karaeng.’

2 SAMUEL 1:9

Nampa nakanamo ri atanta, ‘Maeko, na nubunoa'! Sarringi lokokku, siagang a'birimma' mate.’

PAMMILANGNGANG 24:20

Nampa nacini' tommi Bileam tu Amalek lalang paccini'na. Jari napabattumi anne boto kammaya, “Battu ri sikontu bansaya ri lino, tu Amalek kaminang makoasa. Mingka kale'bakkanna anjo bansaya, lalanynya' tongi sa'genna satunggu-tungguna.”

1 SAMUEL 15:3

Jari a'lampako siagang bunduki tu Amalek na nuancuru' sikamma apa-apanna ke'nanga. Teako niakki apa-apa nuboli' tassesa. Bunoi sikontu tu bura'nea, bai'-bainea, ana'-anaka, siagang ana' loloa. Kammayatompa sapia, gimbalaka, untaya siagang keledaia.”

1 SAMUEL 27:8

Le'baki anjo jammanga, Daud siagang ana' buana biasai mange ambunduki tu Gesur, tu Girzi, tu Amalek; sikamma anjo bansaya sallo ngasemmi ammantang anjoreng ri daeraya. Mangemi a'bundu' sa'genna mange ri Sur, nampa tulusu' mange ri Mesir.

1 SAMUEL 30:1

Ruangallo ribokoanganna, Daud siagang ana' buana ammotere'mi mange ri Ziklag. Ri wattunna battu ke'nanga mange anjoreng, narapikammi ke'nanga angkanaya nabundukimi tu Amalek bageang timboranna pa'rasangang Yehuda nampa nabunduki Ziklag. Tena nabunoi ke'nanga manna pole sitau. Mingka natunu ngasengi ke'nanga sikontu kotaya sa'genna la'busu', nampa napannarrusu' jappana ke'nanga na naerang sikamma tubai'-bainea, ana'-anaka siagang pandudu' maraengannaya. Najakkala' tommi ke'nanga kaluargana Daud siagang sikamma kaluargana ana' buana, kammayatompa ruaya bainenna Daud, iamintu Ahinoam siagang Abigail. Sanna'mi si'nana pa'mai'na Daud siagang ana' buana, nampa tenamo ammarina angngarru' ke'nanga sa'genna mangngang.

1 SAMUEL 30:13

Nampa akkuta'nammo Daud mae ri ia angkana, “Inai pinggawanu, siagang battu kemaeko?” Appialimi anjo anaka angkana, “Inakke tu Mesir, atanna tu Amalek. Nabokoia' pinggawaku tallungallo allaloa, lanri garringa'.

1 SAMUEL 30:17

Ammukona, ri wattu ammumbana alloa, nibundukimi ke'nanga ri Daud, na sa'genna bangngi ke'nanga a'bundu'. Pantaranganna patambilangnganga tau rungka laria a'dongko' unta, tena manna sitau anjo musua akkulle ta'lappasa'.