1 SAMUEL 9:3 - KITTA' MATANGKASA'

³ Ri se'reang wattu nia' siapa are keledaina Kish tappela'. Jari nakanamo Kish mae ri Saul, “Angngerangko sitau palayang, nampa a'lampako amboyai anjo keledai-keledaia.”

1 SAMUEL 9:3 Iomraidhean Croise

HAKING-HAKING 10:4

Nia' tallumpulo tau ana' bura'nena. Nia' tallumpulo keledaina ke'nanga siagang tallumpulo desana ri daera Gilead. Anjo desa-desaya tuli niarengiji desa-desa Yair.

HAKING-HAKING 5:10

Ikau ma'dongko' keledai kebo' ikau ammempoa ri tappere' malompoa, na ikau ngaseng ma'jappa bangkenga kabarrangi anne carita pammetanga!

1 SAMUEL 10:14

Nicini'mi Saul siagang palayanna ri purinanna. Akkuta'nammi ri ke'nanga angkana, “Battu kemae ngasengko?” Appialimi Saul angkana, “Battua' amboyai anjo keledai tappelaka. Mingka lanri tenana nabuntuluki ikambe, a'lampa maki' mange ri Samuel.”

1 SAMUEL 10:2

Punna nubokoima' anne alloa, lasibuntulukko siagang rua tu bura'ne ri ampi'na jera'na Rahel ri Zelzah ri daera Benyamin. Lanakana ke'nanga ri kau: Anjo keledai-keledai nuboyaya nibuntulu'mi. Kamma-kamma anne tenamo nalussa' manggenu ri passala'na anjo olo'-oloka, mingka tuli ia mami napakkuta'nangngang angkanaya apamo musti nagaukang untu' amboyako.”

1 SAMUEL 9:2

Kish nia' ana'na bura'ne niarenga Saul, iamintu se're tau rungka gammara' na kassa' kalenna. Tena manna sitau battu ri sikontu Israel la'bi gammarangngang naia. Pakkaleanna la'bi tinggi tongi. Ia taua ri Israel samara' sa'ge salanggannaji tinggina.

1 SAMUEL 9:20

Ri passala'na anjo sikamma keledainu tappelaka tallungallo allaloa, tea' mako batai, nasaba' nibuntulu'mi. Na nampa pole, ia kaminang lompoa anggaranna ri sikontu Israel lanipassareangi mae ri kau siagang kaluargana manggenu.”

1 SAMUEL 9:4

Jari a'lampami Saul siagang palayanna antulakkangi daera pa'bulukanna Efraim siagang butta Salisa. Mingka tanagappayai anjo olo'-oloka. Nampa a'jappa tulusu' ke'nanga mange ri butta Sahalim, mingka tena tongi anjo keledai-keledaia anjoreng. Naboya tommi ri daera Benyamin, mingka sia-siaji.