1 SAMUEL 8:7 - KITTA' MATANGKASA'

⁷ Na Nakanamo Batara, “Turukiammi sikontu pappala'na anjo bansaya mae ri kau. Nasaba' teai ikau nasorongboko ke'nanga, mingka iNakke. Tenamo naero' punna iNakke a'jari karaenna ke'nanga.

1 SAMUEL 8:7 Iomraidhean Croise

KALAPPASSANG 16:8

LaNasareko Batara dageng punna karueng, siagang roti punna bari'basa' sa'gennu bassoro', lanri Nalangngere'mi Batara angkana a'larro-larro ngasengko ri Ia. Sitojenna punna a'larro-larroko mae ri kambe, Batara nukalarroi.”

YESAYA 66:4

Lanri kammana anjo laKugaukang tommi apa Kukaerokia naKupitujui ke'nanga sikamma bala nakamallakkanga ke'nanga. Saba' ri wattungKu akkio', tena tau appiali; ri wattungKu a'bicara, tena tau appilangngeri. La'bi nangaiangngangi ke'nanga angngewaya ri Nakke siagang anggaukangi ja'dalaka.”

YEREMIA 34:14

Kukana, sikontu ata tu Ibrani le'bakamo allayani annang taung sallona, musti nipakabebasaki ri kala'busanna taung makatujua. Mingka taerokai boe-boenu amparhatikangi yareka ampilangngeri anjo apa Kupaua.

YEHEZKIEL 2:3

“He tau, ikau Kusuroko mange ri tu Israel angngewaya ri Nakke. Anjo ke'nanga angngewai sangkamma boe-boena ke'nanga.

YEHEZKIEL 3:7

Mingka bansa Israel taerokai ampilangngeriko, ba'lalo manna iNakke tena todong naero' ke'nanga ampilangngeriA'. Kapala batu ngasengi ke'nanga siagang nangai angngewaya.

PAMMILANGNGANG 22:20

Anjo bangngia battumi Allata'ala mae ri Bileam na Nakana, “Battui anjo sikamma taua ampalaki sollannu ero' a'lampa siagang ke'nanga. Jari apparuru mako untu' a'lampa. Mingka iaji bawang akkulle nugaukang apa Kuparentakanga mae ri kau.”

MATIUS 10:40

“Inai-nai antarimako, iNakke natarima. Na inai-nai antarimA', natarima tommi ManggeKu assuroA' battu.

LUKAS 10:16

Nampa Nakana Isa mae ri ana'-ana' gurunNa, “Inai-nai ampilangngeri kanannu, iNakke mintu napilangngeri. Inai-nai ansorongbokoko, iNakke mintu nasorongboko. Na inai-nai ansorongbokoA', nasorongboko tommi Allata'ala assuroA'.”

LUKAS 19:14

Mingka sanna' nikabirisinna ri tuma'buttana anjo pa'rasanganga. Jari ri wattunna a'lampamo anjo tu nipakala'birika, nia'mo nasuro ke'nanga mange ampaui angkanaya teami ke'nanga angkaraengangi anjo karaenga.

LUKAS 19:27

Na kamma-kamma anne erang ngasemmi mae sikamma tau ammusua', iamintu tau tenaya naero' akkaraeng ri nakke. Buno ngasengi ke'nanga ri dallekangku!’ ”

YOHANES 13:16

Annaba tojengi anne kanangKu: tena olona lala'birangang se'rea ata na karaenna; siagang tena olona lala'birangang se'rea tunisuro na tau assuroa.

HAKING-HAKING 8:23

Appialimi Gideon angkana, “Tena. Teai inakke la'jari pamimpinnu, manna anakku tena todong. Bataraji pamimpinnu”.

1 SAMUEL 10:19

Le'ba' mako Kupassulu' battu ri kapa'risanga siagang kasessanga, mingka kamma-kamma anne nusorongbokoMa' salaku Allata'alanu, lanri nupala'na sollanna Kujo'jokangko sitau karaeng untu' ikau ngaseng. Jari baji'mi, a'rappungang mako ri dallekangKu, anne Bataranu, massing-massing situru' sukunu siagang bija-bijannu.’ ”

1 SAMUEL 12:1

Nampa nakanamo Samuel mae ri sikontu anjo bansa Israel, “Le'ba'mi kuturuki sikontu pappala'nu, na nia'mo kuangka' se're karaeng mae ri kau ngaseng.

1 SAMUEL 12:12

Mingka nuassenna angkana lanabundukiko Nahas, anjo karaeng Amon, nusorongbokomi Batara a'jari Karaennu nampa nukana ri nakke, ‘Eroki ikambe niparenta ri se'reang karaeng.’

1 SAMUEL 8:22

Appialimi Batara Angkana, “Pinawang mami ero'na ke'nanga. Angngangka'mako sitau karaeng untu' ke'nanga.” Jari nasuromi Samuel anjo tu Israel massing ammotere' mange ri balla'na.

1 SAMUEL 8:8

Ri Kueranna ke'nanga assulu' battu ri Mesir, nabokoiMa' ke'nanga nampa anynyomba ri rewata-rewataya. Na apa anjo nagaukanga ke'nanga mae ri kau, iatommi anjo le'ba' nagaukang ke'nanga mae ri Nakke.