1 SAMUEL 7:2 - KITTA' MATANGKASA'

² Sallo tongi ammantang anjo Patti ParjanjianNa Batara ri Kiryat-Yearim, kira-kira niaki ruampulo taung. Lalang sikammaya anjo sallona, akkio'mi sikontu umma' Israel appala' tulung ri Batara.

1 SAMUEL 7:2 Iomraidhean Croise

1 PATTOTTORANG 13:3

Nampa a'lampaki' mange angngallei Patti ParjanjianNa Allata'ala, ia nibalang parekanga lalang ammarentana Karaeng Saul.”

1 PATTOTTORANG 13:5

Jari napa'rappungammi Daud sikontu ra'ya' niaka ri sikontu pa'rasangang, appakkaramula ri pa'baeng-baenna Mesir bageang timboro' sa'genna ri Agang Hamat ri bageang wara', untu' mange angngallei anjo Patti Parjanjianga battu ri Kiryat-Yearim nampa naerang mange ri Yerusalem.

YEREMIA 26:20

Le'ba' tongi nia' tau maraengannaya a'bicara ambaliangi anne kotaya siagang bansaya lalang arenNa Batara, sangkamma kugaukanga. Anjo taua niarengi Uria ana'na Semaya battu ri Kiryat-Yearim.

YEREMIA 3:13

Akuimi angkanaya salako siagang anjari baliko mae ri Batara, Allata'alanu. Akuimi angkanaya le'baki nupassareang pangngainnu mae ri rewata-rewatana bansa maraenga irawanganna poko'-poko' kayu lompoa, siagang tena numannuruki ri parenta-parentaKu. INakke, Batara, anne a'bicara.”

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

MATIUS 5:4

Mate'nei tau susaya pa'mai'na; nasaba' iami lanisaleori ri Allata'ala!

HAKING-HAKING 2:4

Le'baki napabattu malaekaka anjo birittaya, angngarru' lompo ngasemmi bansa Israelka.

1 SAMUEL 7:1

Jari naallemi pandudu'na Kiryat-Yearim anjo Patti ParjanjianNa Batara, nampa naerang ri balla'na ri se'reang tau niarenga Abinadab. Anjo ballaka iratei ri buluka ammantang. Nampa naminynyaki ke'nanga siagang naangka' Eleazar ana'na Abinadab, a'jari pajaga ri anjo Patti Parjanjianga.

1 SAMUEL 7:3

Nakanamo Samuel ri umma' Israel, “Punna erokko ammotere' mae ri Batara siagang anynyomba ri Ia siagang sikontu atinnu, musti nupela' ngasengi sikontu rewata battu-battua siagang patunna Dewi Asytoret. Passareang tabasikali kalennu mae ri Batara, siagang anynyomba mako mae ri Ia bawang, na Nalappassangko battu ri tu Filistin.”