1 SAMUEL 5:6 - KITTA' MATANGKASA'

⁶ Nampa Nahukkung Batara sikontu pandudu' Asdod siagang tuniaka ri daera tammulilina, iamintu akkambu'-kambussuluki kalenna ke'nanga sangkamma puru.

1 SAMUEL 5:6 Iomraidhean Croise

AYUB 31:3

Cilaka siagang susa ma'nassa Napabattu mae ri tau a'gau' ja'dalaka!

PAMMUJI 145:20

Najagai sikontu tau mangngaia mae ri Ia, mingka tau ja'dalaka napossoki.

PAMMUJI 147:6

Napabangungi tau nijallakkanga, mingka tau ja'dalaka Napatappasaki naung ri buttaya.

PAMMUJI 32:4

Allo bangngia' Kijallakkang, o, Batara, la'busu'mi kagassingangku niiso' ri bambanna alloa.

PAMMUJI 78:66

Natunrungi ammunduru' balinNa, na Nabeta ke'nanga sa'genna satunggu-tungguna.

KALAPPASSANG 9:3

lappabattuA' garring lompo mae ri sikontu olo'-olo' piaranu, kammayami jaranga, keledaia, untaya, sapia, gimbalaka, siagang bembea.

LAMPA-LAMPANA 13:11

Kamma-kamma anne lanuciniki, naNahukkungko Batara! La'jari butako siapa are sallona, sa'genna takkullea nucini' matanna alloa.” Anjo wattua nia' memammo silalonna nakasia' Elimas kamma rammang le'leng antongkoki matanna. Sa'genna angngasala'mi mange-mange, a'boya tau akkullea anrenrengi.

PAOLE 28:27

LaNahukkungko Batara siagang garring lattang, sangkamma le'baka Nagaukang mae ri tu Mesir. Larassi kalennu siagang puru lompo siagang puru katala', nampa tena pa'ballena.

1 SAMUEL 5:11

Lanri kammana, nakio'mi ke'nanga sikamma karaenga ri Filistin untu' asse're. Nampa nakana ke'nanga, “Poterangi anjo Patti ParjanjianNa Allata'alana Israel mange ri tampa'na riolo, sollanna tena naNabunoki' siagang kaluargata.” A'jarimi karicuanga ri sikontu kotaya, lanri Nahukkungi Allata'ala pandudu'na, siagang hukkungang battala' sikalia.

1 SAMUEL 5:7

Nacini'na ke'nanga anjo apa kajarianga mae ri kalenna ke'nanga, nakanamo ke'nanga, “Nahukkungki' Allata'alana Israel, siagang nahukkung tongi Rewatata Dagon. Takkulleai tuli nilappassang anjo Patti Parjanjianga ammantang anrinni la'bi sallo.”

1 SAMUEL 5:9

Mingka battuna mange anjoreng anjo pattia, nihukkung tommi ri Batara anjo kotaya, sa'genna gegere' lompo taua anjoreng. Nihukkummi pandudu'na anjo kotaya, tau rungka yareka tau toa. Akkambu'-kambussuluki kalenna ke'nanga.