1 SAMUEL 5:4 - KITTA' MATANGKASA'

⁴ Mingka ammukona, ri bari'basa'na, naciniki ke'nanga tu'guru'moseng anjo patunga ri dallekanna anjo Patti Parjanjianga. Anjo wattua tassa'la'mi ulunna siagang rua limanna anjo patunga, ta'dongko' ri dallekanna pakke'buka. Kalenna mami anjo patunga kamma biasa. (

1 SAMUEL 5:4 Iomraidhean Croise

YESAYA 27:9

Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.

YESAYA 40:20

Tau tenaya kullena ammali bulaeng yareka pera', ammilei kayu takkullea linta' panra'. A'boyai tukang panrea untu' appare' patung tenaya nagampang ta'lengga.

YEREMIA 10:11

Ikau ngaseng, he ummaka, musti nupauangi ke'nanga angkanaya lanipanraki anjo sikamma rewata-rewata tenaya napa'jari langika siagang buttaya. Lanipa'lanynyaki ke'nanga battu ri tompo'na buttaya.)

YEREMIA 10:14

Nacini'na ngaseng anjo sikammaya sadara'mi rupataua, angkanaya ia dongoki siagang tena pammahanna. Sikamma panre bulaenga siri'-siri' ngaseng, nasaba' anjo patung barhala bate pare'na anu palusu' siagang tena na'nyawa.

YEREMIA 10:15

Anjo barhala-barhalaya tena anggaranna, siratangi nicau-cau siagang nihina. Punna narapiki sallang wattunna lapanraki ke'nanga.

YEREMIA 50:2

“Attannangko pammatei siagang pa'la'bangi pau mae ri bansa-bansa angkanaya tu'guru'mi Babel! Teako rahasiakangi anjo passalaka! Merodakh, rewatana, niancuruki, siagang patung-patunna lalea reppe'mi tassimbung-simbung, kammayatompa sikamma barhalana sanna'mi batena nihina-hina.

DANIEL 11:8

Ri wattunna ammotere' mange ri Mesir, lanaerangi patunna rewatana musunna siagang pakkakasa' bulaeng siagang pera' le'baka nipassareang mae ri anjo rewataya. Siapa are taung sallona tena nalanabunduki karaenna anjo pa'rasangang waraka.

MIKHA 1:7

Patung-patunna ka'jalaka ballinna laniancuruki, siagang sikamma apa-apa nipassareanga mae ri bai'-baine tugasaka ri balla' rewataya lanitunui, kammayatompa sikontu barhalana lanipanraki. Anjo barang-barang kammaya wassele' ibadana ke'nanga mae ri rewata kacopponganga. Kamma-kamma anne kabusu'na anjo laniengkaki ri musu-musunna untu' napassareang mae ri rewata-rewatana ke'nanga.”

1 SAMUEL 6:5

Jari, musti apparekko bulaeng sanrapang kambussuluka siagang balao ampanrasu-rasua ri pa'rasangannu. Lalang kammana anjo nupakala'biri'mi Allata'alana Israel. Lammarimi kapang anghukkungko siagang rewata-rewatanu kammayatompa pa'rasangannu.