1 SAMUEL 4:5 - KITTA' MATANGKASA'

⁵ Battunamo anjo Patti Parjanjianga mae ri kemaya, a'gora-gora lompomi tu Israel, sa'genna ta'ge'goso' buttaya.

1 SAMUEL 4:5 Iomraidhean Croise

2 SAMUEL 15:24

Nia' tongi anjoreng Imang Zadok siagang Imang Abyatar kammayatompa sikontu tu Lewi angngerangi Patti ParjanjianNa Batara. Nipadongkoki anjo Patti Parjanjianga, siagang tena naniangkaki lalang tenanapa na'lampa ngaseng sikontu ra'yaka ambokoi anjo kotaya.

1 KARAENG-KARAENG 1:40

Nampa a'lampa ngasemmo ke'nanga anrurungangi ammotere' siagang akkio' a'rannu-rannu, appasa'ra suling, sa'genna sanrapangi tappue buttaya napakamma anjo kasuarranga.

AYUB 20:5

karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

YEREMIA 7:4

Teako patappakki patipua, angkanaya, ‘Amangki', lanri anne Balla'Na Batara. Tojeng-tojeng anne Balla'Na Batara!’

AMOS 6:3

Nupatterassangi angkanaya anjo allo angngeranga bala bella iji, mingka anjo sikamma panggaukannu poro pila' napa'jari linta'ji kabattuanna anjo allo kapallakkanga.

MIKHA 2:11

Erokko ri na'bi nangaia a'balle-balle siagang annipu kammayatompa ambotoai angkanaya langgappako anggoro' siagang inungang terasa' sa'genna alla'bi-la'bi.”

YOSUA 6:20

Nampa natui'mo sikamma imanga tarompe'na. Na kamma nalangngere'na tu Israel anjo sa'ra tarompeka, akkio' lompo-lompomi ke'nanga, sa'genna runtummo tembo' kalli' kotana Yerikho. Tulusu'mi nai' sikontu tantara Israel, nampa antama' siagang naempoi anjo kotaya.

YOSUA 6:5

Nampa anjo sikamma imanga musti natui' la'bu ngasengi tarompe'na. Kamma nulangngere'na ngaseng anjo sa'ra tarompe' la'bua, sikontu tantaraya musti appadai akkio' lompo, nampa laruntung tembo' kalli'na anjo kotaya. Nampa antama' ngaseng memang mako ri anjo kotaya.”

HAKING-HAKING 15:14

Ri wattunna battu mae ri Lehi nierang Simson massing lari-larimi battu tu Filistin mange anggora-gorai. Ti'ring a'jari kassa'mi Simson lanri kakoasanNa Batara. Natappu'-tappu'mi anjo otere' passikko' limanna, sangkamma le'ba' angkana otere' ammutung anjo otereka garana.

1 SAMUEL 4:6

Nalangngere' tommi tu Filistin gora-gora lompona ke'nanga, sa'genna nakanamo ke'nanga, “Angngapai anjo tu Ibrania na'gora-gora lompo kamma?” Mingka ri wattunna naasseng ke'nanga angkanaya battumi Patti ParjanjianNa Batara mae ri kemana tu Ibrani,