1 SAMUEL 30:16 - KITTA' MATANGKASA'

¹⁶ Jari niantara'mi ke'nanga mange ri tampa'na anjo garombolanga. Anjo wattua anjo garombolanga tassia'-siaraki ri sikontu anjo tampaka, sitabangi angnganre, angnginung siagang assua'-suara' lompo lanri jaina barang narampasa' naerang ke'nanga battu ri pa'rasangang Filistin siagang Yehuda.

1 SAMUEL 30:16 Iomraidhean Croise

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.

YESAYA 22:13

Mingka kabalekanna, ikau assannang-sannang jako siagang assua'-suara' jako. Ammolongko sapi siagang gimbala', angnganre dageng siagang angnginung je'ne' anggoro' nampa akkio' angkana, “Umba ningnganre siagang angnginung, saba' ammuko lamate maki'!”

AYUB 20:5

karannuanna tau ja'dalaka poro sinampe'ji bawang, siagang kasannanganna tau dorakaya sipakkida mataji?

2 SAMUEL 13:28

Naparentakammi mae ri sikamma ata-atanna angkana, “Parhatikangi baji'-baji', punna nasa'rimmo Amnon angnginung anggoro', lakusareko pammatei nampa nubuno. Teako mallakki. Inakke antanggongi anne passalaka. Pa'baraniangi kalennu anggaukangi siagang teako bata-batai.”

1 SAMUEL 30:14

Le'baki ikambe battu ambunduki tu Kreti ri bageang timboranna Yehuda siagang daera bijanna Kaleb, kammayatompa le'ba'mi nitunu sa'genna la'busu' kota Ziklag.”

KALAPPASSANG 32:6

Ammukona bari'basa' dudu, angngerammi tu Israel pirangkayu are olo'-olo' untu' a'jari koro'bang nitunu, na pirangkayu are pole untu' koro'bang passiamakkang. Ammempomi ke'nanga angnganre siagang angnginung, nampa ammenteng untu' assannang-sannang.

1 SAMUEL 30:15

Nampa akkuta'nang Daud ri ia angkana, “Ero' jako angngantarakka' mange ri tampa'na anjo garombolanga?” Appialimi nakana, “Ero'ja', assala' a'janjiki' mae ri nakke lanri arenNa Allata'ala, angkanaya tena nalakibunoa' yareka kipassareanga' mae ri pinggawaku.”

PAMMUJI 119:162

JanjinTa ampakarannua', sanrapang tau ammuntuluka pa'barang-barangngang.

YESAYA 9:3

Le'ba'mi Kialle erangngang battala'na siagang lembarang battala'na ri salangganna. Nibetai anjo bansa nangaia anjallakkang ampaccokai ummatTa. Sanrapang ri jammang allaloa ri wattu Kibetana tantara Midian.

HAKING-HAKING 8:11

Natulakkammi Gideon pa'baeng-baeng parang kassi' rayanganna Nobah siagang Yogbeha. Nampa napata'bangka nabunduki musunna.

1 PATTOTTORANG 4:43

Nabunoi ke'nanga sikamma tu Amalek niaka tassesa, nampa appakkaramula anjo wattua ammantang tulimi ke'nanga anjoreng.