1 SAMUEL 3:16 - KITTA' MATANGKASA'

¹⁶ Mingka nikioki ri Eli, na nakana Eli, “Samuel, anakku.” Appialimi Samuel angkana, “Iye' Bapa'.”

1 SAMUEL 3:16 Iomraidhean Croise

PA'JARIANG 31:11

Siagang nia'mi Allata'ala a'rupa malaeka' a'bicara ri nakke lalang anjo so'naku, angkana, ‘Yakub!’ Appialima' angkana, ‘Iye'’.

PA'JARIANG 37:13

nakanamo Yakub ri Yusuf, “A'lampako mange ri Sikhem, ri tampa'na sikamma daennu angkalawaki bembeta siagang gimbalatta.” Appialimi Yusuf angkana, “Baji'mi, Bapa'.”

RUT 2:8

Nampa nakanamo Boas mae ri Rut, “Pilangngeria' rolong. Tea' mako a'lampai mange anrappung ri kokonna tu maraenga. Anrinni mako anrappung siagang bai'-baine pajamaku. Parhatikangi kemae ke'nanga akkatto. Tuli pinawangi ke'nanga siagang teako bellai battu ri ke'nanga. Punna turereko, angngalle mako je'ne' battu katoang-katoang le'baka nabonei pajama bura'-bura'nea. Le'ba'mi kuparentakang ke'nanga sollanna tena nanagangguko.”

1 SAMUEL 12:2

Appakkaramula ri kamma-kammaya anne iami a'jari pamimpinnu. Ciniki, inakke anne toama' siagang kebo'mi uukku. Sallo sikalima' a'jari pamimping mae ri kau ngaseng – battu ri rungkaku iji sa'genna kamma-kamma anne.

1 SAMUEL 3:15

Le'baki anjo attinromi pole Samuel. Na ri wattu bari'basa'na ambangummi siagang nasungkemi sikamma pakke'bu' Balla'Na Batara. Mallaki ampauangi Eli anjo apa le'baka nacini'.

1 SAMUEL 3:17

Akkuta'nammi Eli angkana, “Apa Napau Batara mae ri kau? Carita ngasemmi mae ri nakke. Punna nia' apa-apa nucokkoi, mattantu Nahukkungko Allata'ala.”