1 SAMUEL 3:12 - KITTA' MATANGKASA'

¹² Anjo wattua laKugaukammi sikontu apa le'baka Kupau laKugaukang mae ri kaluargana Eli battu ri uru-urua sa'genna kala'busang.

1 SAMUEL 3:12 Iomraidhean Croise

YEHEZKIEL 21:5

Nampa sikontu taua naassemmi angkanaya iNakke, Batara, ambi'buki pa'dangKu siagang tena nalaKupari banoa ammotere'.’

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

LUKAS 21:33

Lalanynya' ngasengi langika siagang linoa, mingka kana-kanangKu tuli lania'na satunggu-tungguna.”

YOSUA 23:15

Mingka sangkamma NarupainNa ngaseng janjinNa mae ri kau, kamma tomminjo mattantuna laNagaukang ngaseng tongi panggaratta'Na mae ri kau.

HAKING-HAKING 4:24

Pila' nijallakkammi anjo karaenga, sa'genna kala'busanna lanynya'mi.

1 SAMUEL 4:11

Ia Patti ParjanjianNa Allata'ala nirampasa'mi ri musua, siagang anjo ruaya ana'na Eli, iamintu Hofni siagang Pinehas, mate tommi.

1 SAMUEL 4:17

Appialimi anjo tungngeranga kabara' angkana, “Larimi tu Israel ambokoi tu Filistin. Nibeta lompoki'. Jai tau mate. Anatta ruaya, iamintu Hofni siagang Pinehas, mate tommi. Nampa Patti ParjanjianNa Allata'ala nirampasa'mi ri musua!”

1 SAMUEL 4:21

Niaremmi anjo anaka Ikabod, na nakana, “Kahaderang kala'biranNa Allata'ala tappela'mi battu ri Israel” – ia napakkanaia iamintu angkanaya Patti ParjanjianNa Karaeng Allata'ala nirampasa'mi siagang matoanna kammayatompa bura'nenna matemi. Lanri kammana nanakanamo, “Kahaderang kala'biranNa Allata'ala tappela'mi battu ri Israel, lanri nirampasa'mi Patti ParjanjianNa Allata'ala.”