1 SAMUEL 3:11 - KITTA' MATANGKASA'

¹¹ Nakanamo Batara ri ia, “Nia' gau' malompo ero' Kugaukang mae ri tu Israel, sa'genna yangasenna tau allangngerekai lalingu ngasengi.

1 SAMUEL 3:11 Iomraidhean Croise

2 KARAENG-KARAENG 21:12

Lanri kammana anjo, Karaeng Allata'ala nisombaya ri tu Israel, lappabattui bala sannaka lompona mae ri Yerusalem siagang tu Yehuda sa'genna sikamma tau allangngerekai anjo apa kajarianga lata'bangka kabusuki.

AYUB 41:9

Inai-nai anciniki lapung Lewiatan, la'jari lammai kalenna nampa tu'guru' pinsang lanri malla'.

YESAYA 28:19

Lanitujuko ri kacilakang situlusu'na, siagang musti nutanggong ngasengi anjo kammaya allo-allo, bari'basa', tangngaallo siagang bangngi. Lannekkerekko napakamma malla' punna nupahangi pappasanNa Allata'ala.

YESAYA 29:14

Lanri kammana anjo laKupata'bangkai ke'nanga siagang pattunrung a'mole-molea. Tau cara'deka la'jari toloi, siagang sikontu kacara'dekanna ke'nanga latena ngaseng matu-matunna.”

YEREMIA 19:3

Musti akkana kamma' anne, “He sikamma karaenna Yehuda siagang pandudu'na Yerusalem! Pilangngeri eroka Kupau, iNakke Batara Kaminang Koasaya, Allata'alana Israel, angkanaya, lappabattuA' bala lompo mae ri anne tampaka, sa'genna ta'bangka tau allangngerekai.

HABAKUK 1:5

Nampa Nakanamo Batara mae ri umma'Na, “Parhatikangi bansa-bansaya ri tammulilinu, nanulalannasa' siagang latakkajannang. Nasaba' ri jammannu nia' apa ero' laKugaukang, tenaya nalanupatappa' punna poro nicarita bawang mae ri kau.

LUKAS 21:26

Teai sipato' malla'na rupataua andallekangi sikamma apa lakajarianga ri sikontu anne linoa, lanri la'jari tasilolongammi siagang laricu ngasemmi napakamma malla' sikontu tau anna'galaka koasa ri sila'banna linoa.

LAMPA-LAMPANA 13:41

‘Parhatikangi baji'-baji' ikau tau nungaia pahina-hina! La'jari lannasakko, nunampa mate! Nasaba' anne jammanga nia' apa-apa Kugaukang tenaya nalanupatappaki, manna nia' tau ampakasingaraki mae ri kau.’ ”

1 SAMUEL 3:10

Nampa battumo Batara, ammenteng ri anjo tampaka siagang akkio' angkana, “Samuel, Samuel!” Nappialimo Samuel angkana, “Appau maKi' Batara, nappilangngeri atanTa.”

1 SAMUEL 4:10

Nampa a'bundu' heba'mo tu Filistin sa'genna nabeta tantarana tu Israel. Larimi tu Israel mange ri massing kemana ke'nanga. Ma'nassa nibeta lompo tojengi tu Israel: Tallumpulomi sa'bu tantara tu Israel mate.