1 SAMUEL 22:4 - KITTA' MATANGKASA'

⁴ Nampa naerammo tau toana mae ri karaeng pa'rasangang Moab, siagang ammantang tulimi ke'nanga anjoreng lalang accokkona Daud ri kali'bonga.

1 SAMUEL 22:4 Iomraidhean Croise

2 SAMUEL 24:11

Nakanamo Batara mae ri Na'bi Gad a'jaria panynyambung bicara ri Daud mae ri Batara, “A'lampako siagang pauangi Daud angkanaya laKusuroi ammile ri tallua passala'. Kereanga napilei iami laKugaukang.” Ammukona bari'basa', ri ambangunnamo ri tinrona Daud,

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

1 PATTOTTORANG 12:16

Ri se'reang wattu nia' siapa are tau battu ri suku Benyamin siagang Yehuda a'lampa mange ri pattampakkanna Daud.

1 PATTOTTORANG 21:9

Nakanamo Batara mae ri Na'bi Gad, ia a'jaria panynyambung bicara ri Daud siagang Batara,

1 PATTOTTORANG 29:29

Ia riwaya'na Karaeng Daud battu ri pakaramulanna sa'genna kala'busanna le'ba'mi nicata' lalang ri kitta' Na'bi Samuel, Na'bi Natan, siagang Na'bi Gad.

2 PATTOTTORANG 29:25

Situru' pitunju'-pitunju' Napassareanga Batara mae ri Daud tete ri Na'bi Gad, anjamaya untu' karaenga, siagang tete ri Na'bi Natan, nasaremi tugasa' karaenga sikamma tu Lewia untu' akkarena kacaping siagang gambusu' lalang ri Balla'Na Batara,

NEHEMIA 6:11

Mingka appialima' angkana, “Inakke anne takungaiai laria. Inakke tau biasaja', jari takkullea' antama' ri Balla'Na Batara ri Yerusalem, matea' sallang. Tena, tena nakuero'!”

PAMMUJI 11:1

Untu' pamimping pakelong. Pammujina Daud. Ma'la'langa' ri Batara; tena matu-matunna makkana ri nakke, “Pasalamaki kalennu sanrapang jangang-jangang anri'baka mange ri moncong.

MATIUS 10:23

Punna nisessako ri se'reang kota, lariko mange ri kota maraenga. Kupauangko angkanaya: Tanula'bangapi numangei sikontu kota-kotaya ri Israel, nania'mo battu poleang Ana' Ma'rupataua.

1 SAMUEL 22:3

Battu anjoreng ri kali'bonga a'lampami Daud mange ri Mizpa ri daera Moab. Nampa nakana ri karaeng pa'rasangang Moab, “Kisarei ising manggena siagang amma'na atanta ammantang ri katte, sa'genna naasseng angkana apa ero'Na Allata'ala mae ri atanta.”

1 SAMUEL 22:5

Ri se'reang allo nia'mo sitau na'bi niarenga Gad battu mae ri Daud na nakana, “Teako ammantangngi anrinni ri kali'bonga. A'lampako linta' mange ri Yehuda.” Jari a'lampami Daud, nampa antama' ri romang Keret.