1 SAMUEL 22:2 - KITTA' MATANGKASA'

² Kammayatompa sikamma tau nijallakkanga, tau niaka inranna, tenaya nasukku' nasa'ring pa'mai'na, yangasenna ke'nanga a'gabummi siagang Daud, nampa a'jarimo Daud pamimpinna ke'nanga. Ia jaina anjo tau amminawanga ri Daud nia' kira-kira 400 tau jaina.

1 SAMUEL 22:2 Iomraidhean Croise

2 SAMUEL 17:8

Tantu kiassengi karaeng angkanaya anjo Daud siagang ana' buana sangnging pajuang barani. Pallaki ke'nanga rapang beruang tappelaka ana'na. Nampa pole anjo Daud iami tantara jai pangalamanna, tenaya nale'ba' sipa'bangngiang siagang ana' buana.

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

2 KARAENG-KARAENG 20:5

ammotere' mange ri Hizkia, karaenna Umma'Na Batara, siagang napabattui pasang kammaya anne, “INakke, Batara, Allata'ala nisombaya ri boenu Daud, Kulangngere'mi pappala' doannu siagang Kucini'mi je'ne' matannu. LaKupammolleko battu ri garrinnu; ammembara' la'lampako mange ri BallakKu.

2 KARAENG-KARAENG 4:1

Ri se'reang allo nia' sitau baine janda le'ba' baine na'bi a'lampa mange ri Na'bi Elisa nampa angkana, “Bapa', matemi bura'nengku! Nakiasseng tonja angkanaya anjo le'ba' bura'nengku tau mappilangngeri todong ri Allata'ala, mingka nia' inranna mae ri se'reang tau. Kamma-kamma anne battui anjo taua ero' angngalle rua anakku nampa napa'jari ke'nanga atanna, salaku pa'bayara' ri inranna tumate le'ba' bura'nengku.”

PANGNGEBARANG 31:6

Inungang terasaka iami untu' tau ta'ronanga siagang tau si'naya pa'mai'na.

MATIUS 11:12

Battu ri pakkaramula nabirittakanna Yohanes anne kabaraka sa'genna kamma-kamma anne, tuli nisusaina umma'Na Allata'ala battu ri tau eroka angkoasai passai ke'nanga.

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

IBRANI 2:10

Memang siratang memang tongi Allata'ala – le'baka ampa'niaki sikontu apa-apaya situru' apa Nakaerokanga – ampa'jari Isa Pappasalama' sukkuka tete ri kasessanga. Lanri kammanami anjo nakkullemo jai tau Nakio' Allata'ala amminawang nipakalompo siagang Isa. Nasaba' Iami panynyungke oloang mae ri ke'nanga untu' akkulle nipasalama'.

HAKING-HAKING 11:3

Lanri kammana anjo, assisa'la'mi Yefta siagang anjo sikamma sari'battanna. Nampa mange ammantang ri daera Tob. Anjoreng a'rappungammi siagang garombolang ja'dala'. Nampa a'lampa ke'nanga mange anrampo'!

HAKING-HAKING 18:25

Nakanamo anjo suku Dan, “Bajikangngang tongkoki bawanu; gassingka a'jari larro ngasengi anne tu jaia mae ri kau nampa nabakkaiko. Gassingka ikau siagang kaluarganu mate ngasengko.”

1 SAMUEL 22:3

Battu anjoreng ri kali'bonga a'lampami Daud mange ri Mizpa ri daera Moab. Nampa nakana ri karaeng pa'rasangang Moab, “Kisarei ising manggena siagang amma'na atanta ammantang ri katte, sa'genna naasseng angkana apa ero'Na Allata'ala mae ri atanta.”

1 SAMUEL 23:13

Jari a'lampami Daud siagang ana' buana niaka kira-kira 600 tau jaina ambokoi kota Kehila, nampa a'lampa a'lette'-lette' battu ri se'reang tampa' mae ri tampa' maraengannaya. Nalangngere'na Saul angkanaya a'lampami Daud battu ri Kehila, tenamo nanjari nabunduki anjo kotaya.

1 SAMUEL 25:13

Naparentakammi Daud angkana, “Massing pasikko' ngasengi pa'dannu ri aya'nu!” Silalonna memang nanagaukammo ana' buana anjo apa naparentakanga. Napasikko' tommi Daud pa'danna ri aya'na nampa a'lampa siagang kira-kira nia' 400 tau, nampa nia' 200 ammantang untu' a'jaga barang-barang.

1 SAMUEL 30:6

Sanna' susana ana' buana Daud, lanri tena ngasemmi bainenna siagang ana'na ke'nanga. Lanri kammana ero'mi ke'nanga ansambilai batu Daud. Jari lalang kasusaang lompomi nasa'ring Daud, mingka nipakajarreki pa'mai'na ri Karaeng Allata'alana.

1 SAMUEL 9:16

“Ammuko bari'basa' kira-kira ri wattu kamma-kammaya anne, nia' laKusuro sitau battu ri suku Benyamin battu angngagangko sibuntulu'. Minynyaki siagang angka'mi anjo taua untu' a'jari karaeng mae ri ummakKu Israel. Ia lallappassangi ummakKu battu ri tu Filistin. Kucini'mi kasessanna ummakKu siagang Kulangngere'mi karru'na ke'nanga appala' tulung.”