1 SAMUEL 22:1 - KITTA' MATANGKASA'

¹ Nampa nabokoi Daud kota Gat na mange accokko ri se'reang kali'bong ri ampi'na kota Adulam. Ri wattunna sikamma daenna siagang kaluargana nalangngereki angkana niaki anjoreng, battumi ke'nanga mae ri ia.

1 SAMUEL 22:1 Iomraidhean Croise

PA'JARIANG 38:1

Anjo wattua a'lampai Yehuda ambokoi sikamma sari'battanna nampa ammantang ri balla'na sitau bura'ne, niarenga Hira, battua ri kota Adulam.

1 PATTOTTORANG 11:15

Ri se'reang allo, nia' tallu battu ri tallumpuloa perwira tantarana Daud mange andallekang ri Daud ri se'reang tampa' pammantangang ri se'reang bulu' batu ri ampi'na Gua Adulam. Anjo wattua akkemai tu Filistin ri Lappara' Refaim, na nia' sitangnga tantarana ke'nanga angngempoi Betlehem.

PAMMUJI 34:1

Pammujina Daud, ri wattunna assara-sarai tasilolongang pikkiranna ri dallekanna Abimelekh, sa'genna nibongka a'lampa.

MIKHA 1:15

He tu Maresya, laNapassareangko Batara mae ri musunnu eroka ambetai kotanu. Pamimping-pamimpinna Israel makoasaya laccokkoi lalang ri leang-leanga ri Adulam.

MIKHA 1:3

Naungi battu ri pammantangngang matangkasa'Na Na'jappa irate ri coppo'-coppo' buluka ri buttaya.

IBRANI 11:38

Anne linoa teai tampa' siratang mae ri ke'nanga. Mangei ri parang lompoa ke'nanga siagang bulu'-buluka, nammantang lalang ri kali'bong batua yareka kali'bong buttaya.

1 SAMUEL 24:4

Nampa nakanamo ana' buana Daud ri ia, “Iaminne kasampatanta bapa'! Sai le'baki Nakana Batara ri katte angkanaya, ‘LaKupassareangi musunnu mae ri kau, gaukammi apa nukaerokia mae ri ia!’ ” Nampa a'lampa cokko-cokkomo Daud mange ri tampa'na Saul nampa nakere' cokko-cokko sike'de' biring jubana.