1 SAMUEL 20:2 - KITTA' MATANGKASA'

² Appialimi Yonatan angkana, “Teako akkana kammai! Lanri Batara, tena nulanibuno. Sikontu apa eroka nagaukang manggeku baji' naparallu yareka tena naparallu, tuli napauanga'. Jari tena olona nacokkoanga' apa eroka nagaukang mae ri kau. Lanri kammana anjo, tena natojeng anjo nupaua!”

1 SAMUEL 20:2 Iomraidhean Croise

PA'JARIANG 44:7

Appialimi ke'nanga angkana, “Apa erotta karaeng? Assumpai ikambe angkana tena na'gau' kamma ikambe!

PAMMUJI 40:6

O, Batara, tamaka jaina bate paretTa mae ri kambe, o, Batara Allata'alaku, iKatte tena sangkammanTa! Tamaka jaina rancana appakalannasatTa mae ri kambe, tena olona lakkulle nicarita ngaseng.

PANGNGEBARANG 29:24

Tau assamaturuka siagang palukka', sangkamma nakabirisi kalenna. Punna a'bicarai silambusu'na ri pangadelang, lanipitabai hukkungang. Mingka punna a'merekiji bawang, lanitunrai ri Allata'ala.

YESAYA 50:5

Nasarea' Batara pammahang, tena kungngewa yareka ta'giling battu ri Ia.

LUKAS 20:16

Tantu labattui nanabuno ngaseng anjo pajamaya, nampa napappitesangang anjo kokonna mae ri pajama maraenga.” Nalangngere'na akkana kamma Isa, nakanamo ke'nanga ri Isa, “Tapporo tena sikali nakamma!”

YOHANES 15:15

Tenamo naKukio' atako nasaba' se'rea ata tanaassengai apa nagaukanga karaenna. Kukio' sari'battang mako, nasaba' sikontu apa Kulangngereka battu ri Manggea Kupabattui mae ri kau.

YOHANES 17:8

Le'ba'mi Kupabattu ri ke'nanga kana-kana Kipabattua mae ri Nakke, nanatarimamo ke'nanga. Naassemmi ke'nanga, angkanaya iNakke ma'nassa iKatte Kukabattui, siagang tappa'mi ke'nanga angkanaya iKatte assuroA' battu ri linoa.

YOSUA 22:29

Patappa'mi, angkanaya tena nalaero' ikambe angngewai Batara yareka lammari anynyomba mae ri Ia lanri natambaina ikambe tampa' pakkoro'bangnganga untu' koro'bang nitunu yareka koro'bang gandung yareka untu' koro'bang passare, nampa nia'mo tampa' pakkoro'bangnganNa Karaeng Allata'alata ri dallekanna Kema KahaderanNa Batara.”

YOSUA 24:16

Appialimi umma' Israel angkana, “Tena sikalia nala'boko ikambe battu ri Batara untu' anynyomba mae ri rewata-rewataya!

1 SAMUEL 14:45

Mingka nakanamo ra'yaka mae ri Saul, “Maka musti nihukkung matei Yonatan? Nampa ia angngerangi anne pammetang lompoa? Tena! A'janji ikambe lanri Batara attallasaka, angkanaya takkulleai tappela' uu'na Yonatan manna silawara'. Nasaba' lanri pannulunNa Batara, nanggappa pammetang anne alloa.” Kammaminjo nanipasalama'mo Yonatan battu ri hukkungang matea lanri ra'yaka.

1 SAMUEL 20:1

Jari larimi Daud battu ri ampi'na Rama nampa a'lampa mange angngagangi Yonatan sibuntulu'. Nampa akkuta'nang angkana, “Apa kasalangku. Kaja'dallang apa le'ba' kugaukang siagang apa dosaku mae ri manggenu sa'genna ero' ambunoa'?”

1 SAMUEL 20:12

Nampa nakana Yonatan ri Daud, “Tapporo Batara, Allata'alana Israel a'jari sa'bi mae ri katte! Ammuko bari'basa' yareka ammembara', ri wattu kamma-kammaya anne, lakuusahakangi angngassengi bone atinna manggeku. Punna bajiki mae ri kau, lakkiringa' kabara' mae ri kau.

1 SAMUEL 20:3

Appialimi Daud angkana, “Baji' naassenna manggenu angkanaya nungaia'. Jari tantu tena naero' ampauangko anjo passalaka sollanna tena nusi'na. Manna pole antekamma, lanri Batara attallasaka, sikontutojenna tallasakku sanrapangi bayao ta'dongkoka ri cappa' tanru'!”

1 SAMUEL 9:15

Siallo rioloanganna anjo, Appasammi Batara ri Samuel angkana,