1 SAMUEL 2:9 - KITTA' MATANGKASA'

⁹ Tutamamminraya tuli amangi lalang ri la'lanNa Batara. Mingka tuja'dalaka jappo' ancuruki lalang ri sassang makappuka. Kagassingang kale takkulle nipattoang, kagassingang rupatau takkulle angngerang pammetang.

1 SAMUEL 2:9 Iomraidhean Croise

AYUB 18:18

Battu ri singaraka nibongkai antama' ri sassang; nibongkai battu ri lino katallassang.

AYUB 40:13

Tarawang ngasengi ke'nanga lalang ri limbu'buka; kurungi ke'nanga lalang ri linona tau matea.

AYUB 5:16

Anne kamma nia' pole pa'minasang mae ri tau tenaya pa'minasana. Na'mereki tamakkana-kana tau ja'dalaka, lanri nitongko' bawana ri Allata'ala.

AYUB 5:24

Laamangko ammantang ri kemanu; na punna nuparessa sikamma gimbala'nu, salama' ngasengi, tena kakuranganna.

PAMMUJI 1:6

Saba' tu mannurukia niului siagang nijagai ri Batara, mingka tu ja'dalaka mangngolo mange ri possoka.

PAMMUJI 105:37

Nampa Naantara' bansa Israel assulu', angngerangi ke'nanga pera' siagang bulaeng; yangasenna baji' ngaseng tubuna siagang gassing.

PAMMUJI 121:3

Tena nalaNabalang parekangko tu'guru', tuli Najagaiko pajaganu.

PAMMUJI 121:5

Batara lanjagaiko, niaki ri sa'rinnu untu' anjagaiko.

PAMMUJI 121:8

Ia anjagaiko ri wattu battunu siagang a'lampanu, anne kamma siagang satunggu-tungguna.

PAMMUJI 145:20

Najagai sikontu tau mangngaia mae ri Ia, mingka tau ja'dalaka napossoki.

PAMMUJI 31:17

Poro nia' pangngellainTa mae ri atanTa; pasalama' laloa' lanri pangngamaseanTa.

PAMMUJI 37:28

Saba' Nangai Batara panggaukang bajika siagang adeleka, tena Nabalang parekangi ta'ronang tau majarreka ri Ia. Najagai ke'nanga satunggu-tungguna, mingka natumpasaki turunganna tu ja'dalaka.

PAMMUJI 94:18

Wattu kunawa-nawana angkana latu'gurukka', pangngamaseanTa, o, Batara, ampa'jaria' ammenteng kassa'.

PAMMUJI 97:10

He, ikau ngaseng mangngaia ri Batara, kabirisi laloi kaja'dallanga! Saba' Najagai Batara tallasa'na umma'Na, Napakabebasaki ke'nanga battu ri koasana tu dorakaya.

PANGNGEBARANG 16:9

Akkullei rupataua appare' rancana, mingka Allata'ala ampattantui oloang tallasa'na.

PANGNGEBARANG 2:8

Najagai Batara tau adeleka ri panggaukanna, siagang Nala'langi ke'nanga mangngaia ri Ia.

PANGNGEBARANG 3:26

LaNajagaiko Batara. Tena nalaNabalang parekangko tu'guru' antama' ri sikko' nitannanga.

KATO'BA 5:17

Jari kupahammi angkanaya ia kaminang bajika mae ri katte iamintu angnganre, angnginung, siagang nipikasiakki wassele' jama-jamanta lalang katallassang sinampe' Napassareanga Allata'ala mae ri katte; iami anjo sarenta.

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

YESAYA 27:3

INakke, Batara, pajagana; tunggala' wattu Kusirangi, allo bangngi Kujagai, sollanna tena angganggui.

YESAYA 47:5

Nakana Batara ri Babel, “A'merekko, siagang antama' mako ri sassanga. Tenamo nalaniarengko ‘Karaeng bainena sikamma kakaraenganga.’

YEREMIA 8:14

Nakana umma'Na Allata'ala, “Angngapa natena apa-apa nigaukang? Umba nakissama-sama a'lili mange ri kota-kota niaka pattahanganna, lappassang maki' anjoreng mate. Le'ba'mi Natappuki Karaeng Allata'ala, angkanaya musti panrakki'. Le'ba' maki' Nasare racung untu' niinung lanri dorakaki' mae ri Ia.

YEREMIA 9:23

Nakana Batara, “Tau cara'deka takkulleai lompo pa'mai' lanri kacara'dekanna, tau gassinga lanri kagassinganna, siagang tau kalumanynyanga lanri kakalumanynyangnganna.

NAHUM 1:8

Kontui a'ba lompoa battu Naancuruki musu-musunNa. Ia barania angngewai Nalappassangi kamateang sa'genna ancuru'.

ZEFANYA 1:15

Anjo alloa iamintu allo pangngalarroi, kasukkarang siagang kasusaang, allo karuntungang siagang pangngancurang, allo sassang siagang anremeng, allo makkapu' siagang rassi saliu'.

ZAKHARIA 4:6

Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.

PAMMILANGNGANG 6:24

Dasi-dasi Nanabarakkakiko siagang Naparakaiko Batara.

MATIUS 8:12

Padahala' tau siratanga a'jari umma'Na Allata'ala nipelaki assulukang ri sassanga. Anjoremmi ke'nanga langngarru' siagang langkasiaki sessaya.”

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

PAOLE 33:3

Nakarimangngi Batara bansaNa, Nala'langngi taunNa. Umba kisu'ju' ri dallekang bangkenNa siagang mannuruki ri parenta-parentaNa.

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.

2 PETRUS 2:17

Anjo guru-guru takontutojenga sanrapangi timbuseng kalotoroka je'ne'na, siagang sanrapangi saliu' niirika ri anging lompo. Le'ba'mi nipasadiang ke'nanga se're tampa' sannaka sassanna ri Allata'ala.

YUDAS 1:1

Sikamma sari'battangku, ia le'baka nikio' siagang sannaka nikamaseanna ri Allata'ala Manggea, kammayatompa nikatutuia untu' Isa Almasi. Battu ri nakke, atanNa Isa Almasi, iamintu Yudas, sari'battanna Yakobus;

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

YUDAS 1:3

Sikamma sari'battangku sannaka kukarimangnginna! Sanna' dudu erokku annulisi' sura' mae ri kau ngaseng ri passala'na kasalamakkang nitarimayamo. Mingka kamma-kamma anne erokka' kusa'ring ampakaingakko lalang ri anne suraka, sollannu barjuang turus untu' katappakkanta; anjo katappakkanga sikaliji Napassareang Allata'ala sa'genna satunggu-tungguna mae ri Umma'Na.

1 SAMUEL 25:26

Napisangkaiki' Allata'ala untu' annuntu' pambalasang siagang ambunoi musu-musunta. Nampa kamma-kamma anne karaeng, lanri Batara mattallasaka, assumpai atanta, tapporo sarenna sikontu musunta siagang sikamma tau eroka ancilakaiki' sangkammai sarenna Nabal.