1 SAMUEL 2:7 - KITTA' MATANGKASA'

⁷ Nia' tau Napa'jari kasi-asi dudu, nia' todong Napa'jari kalumanynyang. Nia' tau Napakatuna, nia' todong Napakatinggi.

1 SAMUEL 2:7 Iomraidhean Croise

2 KARAENG-KARAENG 9:6

Nampa antama'mo ke'nanga sipa'rua ri ballaka, nampa napatiri'mo na'bi rungkaya anjo minynya' zaitunga nai' ri ulunna Yehu siagang nakana, “Nakana Karaeng Allata'alana Israel, ‘Kulantikko a'jari karaeng mae ri ummakKu Israel.

1 PATTOTTORANG 29:12

Sikontu kakalumanynyanganga siagang kasalewanganga iKatte ngaseng nakabattui; sikontu-kontuna iKatte ngaseng angkoasai lalang kagassinganTa siagang kakoasanTa; iKatte makoasa ampa'jari manna inai-nai a'jari tau lompo siagang magassing.

2 PATTOTTORANG 32:27

A'jarimi Karaeng Hizkia sanna' kalumanynyanna, siagang nipakalompoi ri sikontuna taua. Appare'mi kamara'-kamara' untu' pammolikang barang-baranna, iamintu: bulaeng, pera', batu-batu paramata, rampa-rampa, pannangkisi', siagang barang-barang maraengannaya.

2 PATTOTTORANG 32:29

Pantaranganna anjo ambangung tongi jai kota. Anjo kakalumanynyangngang Napassareanga Allata'ala mae ri ia alla'bi-la'bi.

AYUB 1:21

“Nilassukkanga' natena apa-apangku, siagang punna matea' tena todong apa-apangku. Batara assarea' nampa Batara todong angngallei ammotere'. Nipujimi arenNa!”

AYUB 40:12

Iyo, ciniki tau borroa, siagang padundui! Licaki tau ja'dalaka ri tampa'na

AYUB 5:11

Iami Allata'ala ampakatinggi tau tunaya, ampakate'nei tau susaya.

PAMMUJI 102:10

Angnganrea' limbu'bu' sanrapang roti, je'ne' inungku accampuru' je'ne' mata,

PAMMUJI 75:7

Saba' tena nabattu raya yareka battu lau' pangngadelanga tena todong nabattu wara' yareka battu timboro'.

PAMMUJI 75:8

Mingka KalenNa Allata'ala angngadeli, Ia ampanaungi tau se'rea na napakatinggi maraenga.

PANGNGEBARANG 22:2

Tau kalumanynyanga siagang tu kasi-asia nia' sangkammanna: Batara ngaseng ampa'jari ke'nanga.

YESAYA 2:12

Ri anjo alloa laNapakatunai Batara Kaminang Koasaya sikamma tau ampakatinggiai kalenna, na nahukkung tau borroa siagang tau tampoa.

YEREMIA 49:15

LaNapa'jari lammako Batara siagang nihina ri taua.

YEHEZKIEL 17:24

Sikontu poko' niaka ri pa'rasangang lanapahangi angkanaya iNakke Batara. Poko' tinggia Kuta'bangi; poko' tenaya natinggi Kupattimboi a'jari tinggi nai'. Poko' copponga Kupa'jari kalotoro'; na poko' kalotoroka Kupaccu'laki siagang a'bakka'. INakke, Batara, anne akkana; na sikontu kanangKu la'rupa kabusuki.”

YAKOBUS 4:10

Paralluko ampakatunai kalennu ri dallekanNa Batara, sollannu Napakatinggi sallang Batara.