1 SAMUEL 2:3 - KITTA' MATANGKASA'

³ Pammarimi bicara kosonga! Pa'le'ba'mi bicara borroa! Nasaba' anjo Batara, Allata'ala Kaminang mapahang; Ia angngadeli sikontu panggaukanna taua.

1 SAMUEL 2:3 Iomraidhean Croise

1 KARAENG-KARAENG 8:39

poro Kipilangngeri lalang ri suruga tampa' pammantanganTa siagang Kipammopporangi na Kitulung ke'nanga. Poro iKatteji bawang angngassengi bone atinna rupataua. Lanri kammana anjo, Kigaukammi mae ri taua massing-massing situru' panggaukang-panggaukanna,

AYUB 31:6

Lappassamma' Natimbang Allata'ala irate ri timbangang annabaya, na laNaasseng angkana tena nakusala.

PAMMUJI 147:5

Tamaka lompona siagang heba'Na Batarata, kacara'dekanNa tenanjorenganna.

PAMMUJI 17:10

tangngassengai mangngamaseang ke'nanga siagang a'bicara tampoi ke'nanga.

PAMMUJI 31:18

TeaKi' balang parekangia' nipakasiri', o, Batara, saba' akkioka' mae ri Katte. Lappassammi nipakasiri' tu ja'dalaka, na'mereki naung ri linona tu matea.

PAMMUJI 44:21

Ebara' angkana tenamo nanynyomba ikambe ri Allata'ala, passangalinna appala' doammi ri allata'ala maraeng,

PAMMUJI 75:5

Mae ri tau nangaia akkana borro laKupauangi sollanna tenamo nakkana borro pole.

PAMMUJI 94:4

Appasuluki ke'nanga kana-kana kasara', na napattampo-tampoang kaja'dallanna ke'nanga.

PANGNGEBARANG 16:2

Tunggala' panggaukanna taua nakulle kapang bajiki ri paccini' kalenna, mingka Batara angnganggaraki ero' pa'mai'na.

PANGNGEBARANG 24:12

Akkulle jako angkana, “Anjo teai urusangku.” Mingka Najannangngiko Allata'ala. Naassengi siagang Naadeli pikkirannu. Nabalasaki rupataua situru' panggaukanna.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

YESAYA 26:7

Tau lambusuka pa'mai'na a'jappai ri oloang lambusuka, saba' iKatte, Batara, amparekangi oloang.

YESAYA 37:23

Nuassenji angkana inai anjo nupakka-pakkanaia siagang nuhinaya? INakke, Allata'alana Israel, Allata'ala matangkasaka.

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

YEHEZKIEL 35:13

He bansa Edom, ikau lompo bicarako, siagang a'bicara tampoko mae ri Nakke. Kulangngere' kabusu'mi anjo sikammaya.

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

DANIEL 5:27

nitimbang, iamintu le'ba' maki' nitimbang nampa niassemmo angkanaya tena matu-matunta;

MALEAKHI 3:13

Nakana Batara, “Teai sipato' bateKu nuhina lalang ri kana-kanannu.” “Mingka akkuta'nangko angkana, ‘Apa napau ikambe ri passabakkang iKatte?’

IBRANI 4:12

Anjo kananNa Allata'ala, iami kana-kana assarea katallassang siagang kagassingang; la'bi tarangi na pa'dang tarang pimbalia. Anjo kana-kanaya anno'doki sa'genna antama' ri atia siagang nyawaya; narapiki pa'leso-lesoanga siagang buku-bukua, sa'genna naasseng ngaseng pikkiranna siagang nawa-nawanna rupataua.

YOSUA 22:22

“Kaminang Makoasaya iamintu Batara! Kaminang Makoasaya iamintu Batara! Naassengi angkanaya apa saba'na nanagaukang ikambe anne passalaka, siagang ero' tongi ikambe sollanna nuasseng tongi anne passalaka. Ebara' angkana nagaukangi ikambe anne kammaya lanri ero'na ikambe angngewai Batara, yareka lanri tenanamo natappa' ikambe mae ri Ia, boli'mi kamma namate memang ikambe kamma-kamma anne!

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.

HAKING-HAKING 9:38

Nakanamo Zebul ri Gaal, “Jari kemaemi kamma-kamma anne sa'ra lomponu? Riolo nukana apa saba'na kimusti amminawang turu' mae ri anjo Abimelekh? Iaminne anjo sikamma tau nuhinaya. Kamma-kamma anne maju mako ambunduki ke'nanga!”

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”