1 SAMUEL 19:1 - KITTA' MATANGKASA'

¹ Napaui Saul mae ri ana'na Yonatan, siagang sikontu pagawena angkana eroki nabuno Daud. Mingka Yonatan sanna' nasayanna Daud.

1 SAMUEL 19:1 Iomraidhean Croise

PA'JARIANG 37:18

Battu bella nicini'mi Yusuf ri ke'nanga. Na ri tenanapa nabattu Yusuf mae ri ke'nanga, situru' ngasemmi ke'nanga ero' ambunoi Yusuf.

2 SAMUEL 4:8

Nampa napassareang ke'nanga anjo ulunna Isyboset mae ri Daud ri Hebron siagang nakana, “Iaminne ulunna Isyboset, ana' bura'nena Saul, musunna karaengku eroka ambunoi karaengku. Anne alloa nabalasaki panggaukanna Saul siagang jari-jarina untu' ikatte.”

1 SAMUEL 18:1

Le'baki Saul siagang Daud a'bica'-bicara, niangka'mi Daud ri Saul a'jari pagawena. Nappakkaramula anjo alloa tenamo nipa'biangi ammotere' mange ri balla'na tau toana. Yonatan, ana'na Saul, nalangngereki anjo pambicaranga. Sanna' todong ngangaina anjo Daud, siagang nakamaseangi sangkamma batangkalenna.

1 SAMUEL 18:25

Nampa nasuromo Saul ke'nanga akkana kamma anne ri Daud, “Nakaerokia karaeng untu' a'jari sunrang poro 100 bawang bi'bi' ulunna tu Filistin, a'jari pa'balasa' mange ri musunna karaenga.” (Kammaminne carana Saul angngusahakangi sollanna nibuno Daud ri tu Filistin.)

1 SAMUEL 18:3

Lanri kammana assumpami Yonatan la'jari agang siagang Daud situlusu'na.

1 SAMUEL 18:8

Nalangngere'na Saul anjo, a'jari sanna'mi larrona. Nasaba' napikkiriki angkanaya, “Daud nikanami le'ba' ammuno appulo-pulo sa'bu, nampa inakke poro assa'bu-sa'buji bawang. Tantu tenamo nasallo nanipa'jarimo karaeng ri ke'nanga!”

1 SAMUEL 18:9

Appakkaramula anjo alloa assereatimi ri Daud.

1 SAMUEL 19:2

Jari nakanamo ri Daud, “Nausahakangi manggeku ambunoko, jari tutuko. Accokko mako ammuko bari'basa' ri se'reang tampa' tenaya niassengi, siagang ammantang mako anjoreng.

1 SAMUEL 20:1

Jari larimi Daud battu ri ampi'na Rama nampa a'lampa mange angngagangi Yonatan sibuntulu'. Nampa akkuta'nang angkana, “Apa kasalangku. Kaja'dallang apa le'ba' kugaukang siagang apa dosaku mae ri manggenu sa'genna ero' ambunoa'?”

1 SAMUEL 20:19

La'biangampa ammembara'! Lanri kammana anjo, a'lampamako mange ri paccokoannu anjo rioloa, siagang tayanga' ri bokona pa'gompoang batua anjoreng.