1 SAMUEL 18:11 - KITTA' MATANGKASA'

¹¹ Appikkiri'mi Saul angkana, “Kupatintimmi anne pokea mae ri kalenna Daud sa'genna tattinting antama' ri rinringa!” Nampa napasambilamo anjo pokea sa'genna pinruang mae ri kalenna Daud, mingka akkullei napasala Daud.

1 SAMUEL 18:11 Iomraidhean Croise

PANGNGEBARANG 27:4

Anjo larroa pallaki siagang ammanraki, mingka inai akkulle attahang andallekangi akkimburua?

YESAYA 54:17

Mingka sikamma sanjata nipareka untu' ambaliangko, tena ngaseng nala'matu-matu. Na sikamma tuduhang ri kalennu ri pangadelanga lanupa'butti angkanaya sala ngasengi. INakke lassareko hadia pammetang ikau sikamma atangKu,” kammaminjo kananNa Batara.

LUKAS 4:30

Mingka ammose'mi Isa ri alla'na tau jaia nampa a'lampa ampilari anjo tampaka.

YOHANES 10:39

Usahami pole ke'nanga ero' anjakkalaki Isa, mingka ta'lappasaki Isa battu ri ke'nanga.

YOHANES 8:59

Massing angngallemi batu anjo tu Yahudia ero' nasambilai Isa; mingka a'lengu'mi Isa, nampa a'lampa ambokoi anjo Balla'Na Batara.

IBRANI 11:34

nabunoi pepe' lompoa, tassalai ke'nanga battu ri pattobo' pa'danga. Tena kagassinganna ke'nanga, mingka a'jari kassaki; porei ke'nanga lalang ri pa'bundukanga sa'genna nabeta ngaseng pasukang bansa maraenga.

1 SAMUEL 20:33

Nalangngere'na anjo napasambilami pokena Saul mange ri Yonatan, ero' nabuno. Jari naassemmi Yonatan angkanaya memang ma'nassa ero' tojengi manggena ambunoi Daud.