1 SAMUEL 14:52 - KITTA' MATANGKASA'

⁵² Lalang attallasa'na tuli a'bundu' hebaki Saul angngewai tu Filistin. Lanri kammana, punna accini' Saul tu kassa' yareka tubarani, linta'mi naalle napa'jari anggota tantarana.

1 SAMUEL 14:52 Iomraidhean Croise

1 SAMUEL 13:5

Na lalanna anjo wattua, a'rappungang tommi tu Filistin untu' ambunduki tu Israel. Nia' 30.000 kareta bundu'na ke'nanga, 6.000 tau a'jarang, siagang tantara sanrapang kassika ri tamparang jaina. Appareki kema ke'nanga ri Mikhmas, ri bageang rayanganna Bet-Awen.

1 SAMUEL 14:47

A'jari karaennamo Saul ri Israel, a'bundu'mi ri kere-kere mae angngewai sikontu musunna Israel, iamintu tu Moab, tu Amon, siagang tu Edom, karaeng-karaeng pa'rasangang Zoba, kammayatompa tu Filistin. Manna kemae a'bundu', tuli anggappai pammetang.

1 SAMUEL 8:1

Ri wattunna toamo Samuel, naangka'mi ana'-ana'na a'jari haking ri Israel.

1 SAMUEL 8:11

“Kamma anne sallang batena karaenga anggaukang mae ri kau. Lanapassai ana'-ana'nu antama' tantara; sipa'gang ke'nanga a'jari tantara ri karetaya, sipa'gang a'jari tantara a'jarang, na maraengannaya a'jari tantara a'jappa bangkeng.