1 SAMUEL 13:9 - KITTA' MATANGKASA'

⁹ Lanri kammana, nakanamo ri ke'nanga, “Erangi mae anjo koro'bang nitunua siagang koro'bang pappasiamaka.” Nampa kalenna ampassareangi anjo koro'bang nitunua.

1 SAMUEL 13:9 Iomraidhean Croise

2 SAMUEL 24:25

Le'baki anjo ambangummi Daud tampa' pakkoro'bangngang untu' Batara anjoreng, siagang assaremi koro'bang nitunu kammayatompa koro'bang passiamakkang. Niturukiammi pappala' doanna Daud ri Batara, nampa ammarimo anjo garringa ri Israel.

1 KARAENG-KARAENG 3:4

Tampa' sambayang kaminang a'la'banga niasseng iamintu niaka ri Gibeon. Biasai Salomo assare koro'bang anjoreng. Ri se'reang wattu, sangkamma biasa, a'lampami pole mange anjoreng.

PAMMUJI 37:7

Pakasannangi pa'mai'nu antayangi Batara, sa'barakko antayangi sa'genna angngalle tindakang. Teako lussakki lanri baji'na nucini' tallasa'na taua, yareka tau anggaukangai balle-ballea.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

PANGNGEBARANG 20:22

Teako balasaki kaja'dallanga siagang kaja'dallang; tappakko ri Batara, Iami lantulungko.

PANGNGEBARANG 21:27

Tasannangngai Batara ri passarena tau dorakaya, la'biangampa punna napassareang lanri nia'na pattujuang nicallana.

PANGNGEBARANG 21:3

Panggaukang adeleka siagang annabaya la'bi napakasannangi pa'mai'Na Batara, kala sikontu passarea.

YESAYA 66:3

Mingka anjo bansaya tuli ero' kalenna nagaukang; nangai appakaringi'-ringika batena ke'nanga anggaukangi ibadana. Tena sisalana mae ri ke'nanga nikanaya: ammunoa sapi laki siagang ammunoa rupatau, ammolonga ana' gimbala' siagang ampolongai kallonna kongkonga; assarea gandung siagang akkoro'bangkang cera' bawi, attunua kamanynyang siagang anynyombaya patung.

PAOLE 12:5

Ri sikontu daerana suku-suku Israel, ammilei Karaeng Allata'alanu se're tampa' sollanna akkulle bansata battu mange ri dallekanNa siagang anynyomba ri Ia.

PAOLE 12:6

Anjoremmi ri tampaka musti nuerang sikamma koro'bang nitunua siagang sikamma koro'bang maraenganga, passare bage sampulona panggappannu siagang passare maraengannaya, koro'bang pa'bayara' tinja'nu, koro'bang passare ero' kalennu, kammayatompa ana' sapi, ana' bembe, siagang ana' gimbala' bungasa' lassuka.

1 SAMUEL 14:18

Nakanamo Saul ri Imang Ahia, “Erangi anjo efodka mae anrinni.” (Anjo alloa Ahia angngerangi anjo efodka ri dallekanna tu Israel.)