1 SAMUEL 13:7 - KITTA' MATANGKASA'

⁷ Nia' tommo a'limbang anta'leang ri ba'leanna Binanga Yordan nampa antama' ri daera Gad siagang Gilead. Saul nia' iji ri Gilgal, nannekkere' ngasemmi ra'ya' niaka ampinawangi.

1 SAMUEL 13:7 Iomraidhean Croise

KAIMANGNGANG 26:17

LaKuhukkungko, sa'gennu nibeta ri musu-musunnu siagang nikoasai ri tau angkabirisiako. La'jari teai sipato' malla'nu sa'gennu lari, manna natenaja tau angngondangko.

PAOLE 20:8

Sikamma komandanga musti napau tongi anne kana kammaya mae ri tantaraya, ‘Niakka ri kau ranggasela siagang malla'? Punna nia', akkullei ammotere'. Punna tena, lanapanraki sumanga'na tau maraenga.’

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.

PAOLE 3:12

“Ri wattunna nikammaimo anjo buttaya, kupassareammi ri Ruben siagang mae ri Gad daera warakkanna kota Aroër ri ampi'na Binanga Arnon, siagang sipa'gang battu ri daera monconna Gilead kammayatompa kota-kotana.

YOSUA 13:11

Kammayatompa antama tongi daera Gilead, daera ri tammulilina Gesur siagang Maakha, kammayatompa sikontu Moncong Hermon, siagang sikontu daera Basan sa'genna mange ri Salkha.

YOSUA 13:8

Suku Ruben siagang suku Gad kammayatompa bageruanna suku Manasye, le'ba'mi annarima bageang butta battu ri Musa, anjo atanNa Batara; iamintu butta niaka irayanganna Binanga Yordan.

HAKING-HAKING 7:3

Jari, pauammi taunnu angkanaya, ‘Inai-nai nabattui malla', musti akkaro-karoi nabokoi anne Moncong Gilead nammotere' mange ri balla'na.’ ” Jari nia' 22.000 tau ammotere'. Ia ammantanga nia' mamo 10.000 tau.

1 SAMUEL 13:8

Attayammi Saul tuju allo sallona, situru' pappasanna Samuel mae ri ia. Mingka tena ija nabattu Samuel mange ri Gilgal, nampa appakkaramulamo ra'yaka ambokoi Saul.

1 SAMUEL 17:11

Nalangngere'na Saul siagang sikamma taunna anjo pa'ngaraya, ta'bangkami ke'nanga siagang a'jari malla' sikalimi.

1 SAMUEL 31:7

Ri wattu tu Israel niaka ammantang ri ba'leanna Lappara' Yizreel siagang ri rayanganna Binanga Yordan nalangngereki angkanaya larimi tantara Israel, siagang matemi Saul siagang ana'-ana' bura'nena, larimi ke'nanga ambokoi kota-kotana ke'nanga. Nampa naempoi tu Filistin anjo kota-kotaya.