1 SAMUEL 13:6 - KITTA' MATANGKASA'

⁶ Nampa a'bakkamo ke'nanga maju, ambunduki hebaki tu Israel, sa'genna nia'mi lalang bahaya lompo tu Israel. Accokkomi sipa'gang tu Israelka lalang ri kali'bong batua ri monconga yareka ri alla'-alla'na batu karanga, yareka lalang ri bungunga siagang kalo'bang lalanga ri buttaya.

1 SAMUEL 13:6 Iomraidhean Croise

2 SAMUEL 24:14

Appialimi Daud angkana, “O, dende'! Ballasa'ma' inakke! Mingka bajikangngang mami Batara anghukkung ngasengki' kala rupa tau langhukkunga'; nasaba' Batara lompo pangngamaseangi.”

YESAYA 42:22

Mingka la'busu'mi niella' anjo bansaya; nitahangi ke'nanga lalang ri kamara'-kamara' rawa butta, nitongkoki lalang ri sikamma tarungkua. A'jari tuniella'mi ke'nanga, natena battu antulungi.

YEREMIA 41:9

Anjo bungunga iamintu bungung lompo napare' Karaeng Asa ri wattunna nibunduki ri Baesa karaeng Israel.

YEHEZKIEL 33:27

Lanri iNakke, Allata'ala mattallasaka, Batara Kaminang Tinggia, sikamma anjo tau ammantanga anjoreng ri rumbangnganga ri kotaya lamate nibunoi. Ia ke'nanga ammantanga ri paranga lanikanrei ri olo'-olo' sekke'. Ia accokkoa ri bulu'-buluka siagang ri sikamma leanga lamate garringi.

FILIPI 1:23

Battu pimbalimi pikkirang battua mae ri nakke. Ero' dudua' ambokoi anne linoa nakua'lampa mange ammantang siagang Almasi, nasaba' iaminjo kaminang baji'.

IBRANI 11:38

Anne linoa teai tampa' siratang mae ri ke'nanga. Mangei ri parang lompoa ke'nanga siagang bulu'-buluka, nammantang lalang ri kali'bong batua yareka kali'bong buttaya.

YOSUA 8:20

Assailemi tu Ai mae ri boko, siagang nacini'mi ke'nanga umbua nai' ri langika. Nacini' tommi Yosua siagang pasukanna anjo umbua, siagang naassemmi ke'nanga angkanaya nipantamakkimi anjo kotaya ri anjo pasukang maraenga. Jari nagilimmi kalenna Yosua siagang pasukanna untu' a'bakka ambunduki siagang ambunoi tu Ai. Nampa battu tommi tu Israel niakamo anjoreng ri kota Ai amminawang ambunduki ke'nanga, sa'genna nilipummi tu Ai siagang tenamo kalappassanna untu' lari. Tena manna sitau ri ke'nanga ta'lappasa'; yangasenna nibuno ngasengi ri tu Israel,

HAKING-HAKING 10:9

Ba'lalo a'limbammi tu Amon ri Binanga Yordan untu' ambunduki suku Yehuda, Benyamin siagang Efraim. Sa'genna sanna'mo sessana umma' Israel.

HAKING-HAKING 20:41

Na anjo memang wattua nata'gilimmo pasukang lomoro' se'rena Israel maju ambunduki ke'nanga, sanggena silingu-linguimi anjo tantarana tu Benyamin, lanri naassennamo kalenna angkanaya mattantu lanibetami ke'nanga.

HAKING-HAKING 6:2

Lanri malla' duduna tu Israel mae ri tu Midian, sa'genna mangemi ke'nanga accokko lalang ri kali'bong batu, yareka ri tampa'-tampa' amanga ri moncong-monconga.

1 SAMUEL 13:15

Nampa a'lampa Samuel ambokoi Gilgal, na napatulusu' lampana mange ri Gibea, ri daera Benyamin. Lalanna anjo wattua naparessami Saul pasukanna, nia' kira-kira 600 tau jaina.

1 SAMUEL 14:11

Ri wattunna napappicinikang kalenna ke'nanga mae ri tu Filistin ri anjo balla' jagaya, nakanamo anjo tu Filistinga, “Ciniki, nia' tu Ibrani assulu' battu ri kali'bong paccokkoanna!”

1 SAMUEL 14:22

Kammayatompa tu Israel accokkoa ri bulu'-buluka ri Efraim, allangngerekami angkanaya larimi tu Filistin, amminawang tommi a'gabung nampa nabunduki anjo tu Filistin.

1 SAMUEL 23:19

Nampa nia'mo siapa are tu Zif mange andallekang ri Saul ri Gibea na nakana, “Niaki Daud accokko ri daerana ikambe, ilalang ri kali'bong-kali'bong ri ampi'na Hores, irate ri Bonto Hakhila timboranna parang lompona Yehuda.

1 SAMUEL 24:3

Anrapi'mi Saul ri ampi'na siapa area bara gimbala' ri biring aganga. Anjoreng nia' todong se're kali'bong, nampa antama'mo Saul untu' a'jambang. Kabutulang sikali Daud siagang ana' buana niaki accokko lalang anjoreng ri kali'bonga, mingka la'bi bageang lalangngangi pole.

1 SAMUEL 31:7

Ri wattu tu Israel niaka ammantang ri ba'leanna Lappara' Yizreel siagang ri rayanganna Binanga Yordan nalangngereki angkanaya larimi tantara Israel, siagang matemi Saul siagang ana'-ana' bura'nena, larimi ke'nanga ambokoi kota-kotana ke'nanga. Nampa naempoi tu Filistin anjo kota-kotaya.

1 SAMUEL 7:7

Nalangngere'na tu Filistin angkanaya a'rappungammi tu Israel ri Mizpa, a'lampami mange anjoreng anjo limaya karaeng ri Filistin siagang tantarana ke'nanga untu' ambunduki tu Israel. Nalangngere'na tu Israel anjo kabaraka, malla'mi ke'nanga.