1 SAMUEL 13:2 - KITTA' MATANGKASA'

² ammilemi 3.000 tu Israel. 2.000 ammantang siagang ia ri Mikhmas siagang ri daera pa'moncongang Betel, siagang 1.000 maraengannaya a'lampai siagang Yonatan ana'na bura'nea mange ri Gibea ri daera suku Benyamin. La'binnaya battu ri anjo ra'yaka, nasuromi ammotere' massing mae ri balla'na.

1 SAMUEL 13:2 Iomraidhean Croise

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

2 SAMUEL 21:6

Lanri kammana anjo, passareangi mae ri kambe tuju tu bura'ne jari-jarina sollanna nagentung ikambe ri dallekanNa Batara ri Gibea, kota kakaraengang kalenna Saul.” Appialimi karaenga angkana, “Baji'mi, lakupassareangi ke'nanga.”

NEHEMIA 11:31

Siapa are battu ri suku Benyamin ammantang ri Geba, Mikhmas, Ai, Betel siagang desa-desa niaka ri ampi'na,

YOSUA 22:6

Nampa napassareang barakka'na Yosua siagang nalappassang ke'nanga ammotere' mange ri daerana ke'nanga. Napasangi ke'nanga angkana, “Kamma-kamma anne kalumanynyang mako; angngerang mako ammotere' jai olo'-olo', pera', bulaeng, tambaga, bassi siagang pakeang. Bage-bage tongi anjo barang-barang nurampasaka lalang bundu' mange ri sikamma julu sukunu maraenga.” Jari nabokoimi suku Ruben, Gad siagang suku Manasye bageang irayaya anjo paranna tu Israel maraenga, nampa a'lampa battu ri Silo ri Kanaan mange ri butta kalenna ke'nanga ri daera Gilead. Napammantangngimi ke'nanga anjo buttaya situru' parentaNa Batara tete ri Musa. (Anjo bageruanna suku Manasye le'ba'mi natarima battu ri Musa butta niaka irayanganna Binanga Yordan, siagang bageruanna suku Manasye maraenga natarimai battu ri Yosua butta niaka ilaukanna Binanga Yordan sangkamma suku-suku maraenga.)

HAKING-HAKING 19:12

Mingka appialimi karaenna angkana, “Tena! Tena kilammantang ri tampa' teai tu Israel pandudu'na. Umba nanipatulusu' lampata sike'de' nampa anjoreng paki' ri Gibea yareka Rama a'bangngi.”

1 SAMUEL 10:26

Saul ammotere' tommi mae ri balla'na ri Gibea, nirurungang ri siapa are jaina tugammara' na barani siagang le'bakamo nipagio' atinna ri Batara.

1 SAMUEL 10:5

Le'baki anjo musti a'lampamako mange ri bontoNa Allata'ala ri Gibea, tampa' kemana tu Filistin. Ri pakke'bu' antamaya ri kotaya, lasibuntulukko siagang sipa'rappungang na'bi sitabanga naung battu ri bonto pakkoro'bangnganga. A'joge'-jogeki siagang akkiok-kioki ke'nanga, akkarena gambusu', rabana, suling siagang kacapi.

1 SAMUEL 13:1

Ri se'reang allo, ri wattu a'jari karaennamo Saul,

1 SAMUEL 13:11

Mingka akkuta'nammi Samuel angkana, “Apa anjo le'ba' nagaukang karaenga?” Appialimi Saul angkana, “Kuciniki ra'yaka appakkaramulami ambokoia', nampa tenaki' battu situru' wattu le'baka kitantukang. Na nampa pole nia'mi tu Filistin a'rappungang ri Mikhmas.

1 SAMUEL 13:15

Nampa a'lampa Samuel ambokoi Gilgal, na napatulusu' lampana mange ri Gibea, ri daera Benyamin. Lalanna anjo wattua naparessami Saul pasukanna, nia' kira-kira 600 tau jaina.

1 SAMUEL 13:16

Kammaminjo, Saul siagang ana' bura'nena Yonatan, kammayatompa sikamma ana' buana, akkemami ri Geba, ri daera Benyamin. Nampa tu Filistin akkemai ri Mikhmas.

1 SAMUEL 13:23

Appare'mi balla' jaga tu Filistin untu' ampartahangkangi se'rea alla' moncong ri Mikhmas.

1 SAMUEL 13:5

Na lalanna anjo wattua, a'rappungang tommi tu Filistin untu' ambunduki tu Israel. Nia' 30.000 kareta bundu'na ke'nanga, 6.000 tau a'jarang, siagang tantara sanrapang kassika ri tamparang jaina. Appareki kema ke'nanga ri Mikhmas, ri bageang rayanganna Bet-Awen.

1 SAMUEL 14:31

Anjo alloa nabetai tu Israel a'bundu' tu Filistin le'ba'namo a'bundu' ri sikamma aganga battu ri Mikhmas sa'genna ri Ayalon. Mingka le'baki anjo sanna'mi mangnganna ke'nanga,

1 SAMUEL 14:5

Batu karang warakkanga a'dalle' mangei ri Mikhmas, na batu karang timboranga a'dalle' mangei ri Geba.

1 SAMUEL 14:52

Lalang attallasa'na tuli a'bundu' hebaki Saul angngewai tu Filistin. Lanri kammana, punna accini' Saul tu kassa' yareka tubarani, linta'mi naalle napa'jari anggota tantarana.

1 SAMUEL 15:34

Le'baki anjo a'lampami Samuel mange ri Rama, nampa Saul ammotere'mi mange ri balla'na ri Gibea.

1 SAMUEL 24:3

Anrapi'mi Saul ri ampi'na siapa area bara gimbala' ri biring aganga. Anjoreng nia' todong se're kali'bong, nampa antama'mo Saul untu' a'jambang. Kabutulang sikali Daud siagang ana' buana niaki accokko lalang anjoreng ri kali'bonga, mingka la'bi bageang lalangngangi pole.

1 SAMUEL 26:2

Jari akkaro-karomi Saul a'lampa nirurungang ri tallussa'bu tantara kaminang bajika ri Israel, mange ri parang lompo Zif untu' amboyai Daud.

1 SAMUEL 8:11

“Kamma anne sallang batena karaenga anggaukang mae ri kau. Lanapassai ana'-ana'nu antama' tantara; sipa'gang ke'nanga a'jari tantara ri karetaya, sipa'gang a'jari tantara a'jarang, na maraengannaya a'jari tantara a'jappa bangkeng.