1 SAMUEL 11:7 - KITTA' MATANGKASA'

⁷ Sanna'mi larrona. Na naallemo ruang kayu sapi nampa napolong na nakere' a'jari jai kere'na. Nampa nakiring anjo kerek-kerekanga mae ri sikontu pa'rasangang Israel, na naparentakang angkana, “Inai-nai tena namaju ampinawangi Saul siagang Samuel a'bundu', lanikerek-kere' tongi sapi-sapinna kamma anne!” Malla'mi bansa Israel ri apa akkullea Nagaukang Batara. Jari yangasenna taua, sadia ngasemmi untu' maju sipa'rurungang a'bundu'.

1 SAMUEL 11:7 Iomraidhean Croise

PA'JARIANG 35:5

Ri wattu a'lampana Yakub siagang rombonganna, nipibattuimi malla' ri Allata'ala sikontu tau niaka ri anjo kotaya, sa'genna tena nabarani ke'nanga angngondangi Yakub siagang rombonganna.

2 PATTOTTORANG 17:10

Napa'jari malla' kabusuki Batara sikontu kakaraengang niaka ri tammulilina Yehuda untu' a'bundu' angngewai Karaeng Yosafat.

2 PATTOTTORANG 19:7

Musti mallakko ri Batara, siagang tutuko lalang annappuki, lanri anjo Karaeng Allata'alata nakabirisi tau a'gau' jekkonga, tau battala' sialia ri se'reang kara-kara, siagang tau annarimaya doe' pacoco'.”

YESAYA 8:13

U'rangi angkanaya iNakke, Batara Kaminang Makoasaya, tangkasakKa'. INakkeji bawang musti nukamallakkang.

HAKING-HAKING 19:29

Anrapiki mae ri balla', antama'mi nampa angngalle lading na nakere'-kere' anjo maya'na baine piarana napa'jari sampulo anrua kere'. Le'baki anjo nakirimmi anjo kerek-kerekanga mae ri sampuloa anrua suku bansa Israel, massing tassikereki.

HAKING-HAKING 20:1

Jari battumi sikontu umma' Israel, battu ri Dan bageang wara' sa'genna Bersyeba bageang timboro', na Gilead bageang iraya untu' ambantui anjo pakkioka. A'rappummi siagang asse'remi ke'nanga ri Mizpa ri dallekanNa Batara.