1 SAMUEL 10:9 - KITTA' MATANGKASA'

⁹ Tena sallo nabokoina Saul anjo Samuel, annarimami Saul sipa' beru battu ri Allata'ala. Na sikontu anjo apa napaua Samuel mae ri ia kajariang memammi anjo alloa.

1 SAMUEL 10:9 Iomraidhean Croise

YEHEZKIEL 36:26

Jari laKusare mako ati beru siagang pikkirang beru. Anjo atinnu terasa' kammaya batu laKusambei siagang ati mannuruki.

MARKUS 14:16

Jari a'lampami anjo ruaya ana' gurunNa Isa mange ri kotaya. Battuna mange anjoreng nia' tojemmo nabuntulu' ke'nanga sangkamma ngaseng le'baka Napau Isa. Napasadiami ke'nanga kanre Paskaya.

HAKING-HAKING 6:21

Nampa napajonjo anjo limanna malaeka'Na Batara, nanasaremo anjo dagenga siagang rotia siagang cappa' kayu nata'galaka. A'rinrami anjo batua, sa'genna la'busu'mo akkanre anjo dagenga siagang rotia. Nampa allanynya'mo anjo malaekaka.

HAKING-HAKING 7:11

Lanulangngereki sinampe' apa nabicaraya musunnu. Iaminjo lampa'jari baraniko untu' ambunduki.” A'lampami Gideon siagang Pura, mange ri pa'baeng-baenna kemana musua.

1 SAMUEL 16:13

Angngallemi linta' Samuel minynya' zaitun nampa naminynyaki Daud ri dallekanna sikamma daenna ngaseng. Anjo wattua nikoasai memammi Daud ri RohNa Batara. Appakkaramula anjo alloa siagang situlusu'na nirurungammi ri RohNa Batara. Nampa ammotere'mo Samuel mange ri Rama.

1 SAMUEL 2:35

Nampa laKupilei imang tamamminraya mae ri Nakke, siagang eroka anggaukangi apa Kuparentakanga mae ri ia. LaKusarei turungang tuli latugasaka salaku imang ri dallekanna sikamma karaeng laKupilea.