1 SAMUEL 10:3 - KITTA' MATANGKASA'

³ Nakana pole Samuel, “Battu anjoreng a'jappa tulusu' mako sa'genna ri poko' kayu tampa' passambayanganga ri Tabor. Anjoreng lasibuntulu' mako siagang tallu tu bura'ne sitabanga a'jappa mange ri Betel untu' assare koro'bang mae ri Allata'ala. Sitau anrenreng tallung kayu ana' bembe, sitau angngerang tallumbatu roti, na sitaua pole angngerang pammoneang rassi anggoro'.

1 SAMUEL 10:3 Iomraidhean Croise

PA'JARIANG 28:19

Naaremmi anjo tampaka Betel. (Riolo arenna Lus.)

PA'JARIANG 28:22

Nampa lakupassareang mae ri Batara bage sampulona sikontu apa Napassareanga Batara mae ri nakke. Anne batu pangngu'rangi kupaentenga la'jari tampa' panynyombang mange ri Batara.”

PA'JARIANG 35:1

Ri se'reang allo Nakanamo Allata'ala ri Yakub, “INakkemi Allata'ala le'baka ampappicinikangi KalengKu mae ri kau ri wattunnu lari battu ri daennu Esau. A'lampamako mange ri Betel. Ammantang mako anjoreng, siagang ambangung mako tampa' pakkoro'bangngang untu' iNakke.”

PAMMUJI 89:12

IKatte pata langika siagang buttaya, bate paretTa linoa siagang sikontu bonena.

YEREMIA 32:8

Nampa kamma le'ba' Napaua Batara, battumi Hanameel mae ri nakke ri parang lakkenna balla' karaenga, siagang napala' sollanna kuballi tampa'na. Lanri kammana, tappa' tojemma' angkanaya le'ba' tojemmi a'bicara Batara ri nakke.

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KAIMANGNGANG 23:13

Untu' koro'bang kanre-kanreang assareko labu' rua kilo ia nipasileoka siagang minynya' zaitun. Rasanna anjo koro'banga lanapakasannangi nyawaNa Batara. Pasiagang tongi silitere' je'ne' anggoro' anjo passarenu.

KAIMANGNGANG 3:12

Punna anjo nipassareanga iamintu sikayu bembe, anjo tau assarea musti naerangi mange ri KemaNa Batara.

KAIMANGNGANG 3:6

Punna anjo nipassareanga iamintu sikayu bembe yareka gimbala' untu' koro'bang passiamakkang, akkullei laki, akkulle tongi gana, mingka takkulleai nia' caca'na.

KAIMANGNGANG 7:13

Pantaranganna anjo musti nipassareang tongi roti ammakea pa'gambang.

YOSUA 19:12

Garisi' pa'baeng-baeng bageang rayaya appakkaramulai battu ri Sarid mange ri pa'baeng-baeng Khislot-Tabor, tulusu' mange ri Dobrat, nampa nai' ri Yafia.

YOSUA 19:22

Pa'baeng-baeng buttana ke'nanga naseroi Tabor, Sahazima, Bet-Semes, nampa kala'busang ri Binanga Yordan. Antamaya daerana ke'nanga iamintu sampulo angngannang kota siagang sikamma desa-desa niaka ri tammulilina.

HAKING-HAKING 20:18

A'lampai anjo tantarana umma' Israel mange ri tampa' ibadaya ri Betel, nakkuta'nang ri Allata'ala angkana, “O, Batara, suku kereanga battu ri kambe musti uru-uru maju ambunduki tu Benyamin?” Appialimi Batara angkana, “Suku Yehuda.”

HAKING-HAKING 20:27

Anjo wattua niaki Patti ParjanjianNa Allata'ala ri Betel, na Pinehas ana'na Eleazar, cucunna Harun, tugasa' a'jari imang. Jari akkuta'nammi umma' Israel mae ri Batara angkana, “O, Batara, maka musti a'lampaiji ikambe mange ambunduki anjo tu Benyamin, sari'battanna ikambe, yareka musti nipammarimi anne pa'bundukanga?” Appialimi Batara angkana, “Bunduki ke'nanga! Ammuko laKusareko pammetang.”

HAKING-HAKING 4:12

Nalangngere'na Sisera angkana a'lampami Barak mange ri Tabor,

HAKING-HAKING 4:6

Ri se'reang allo, nasuro kio'mi tu niarenga Barak, ana'naya Abinoam, battua ri kota Kedes, ri daera Naftali. Nampa nakanamo ri Barak, “Iaminne parentaNa Batara, Allata'alana tu Israel mae ri kau: ‘Passe'rei 10.000 jaina tu bura'ne battua ri suku Naftali siagang suku Zebulon. Nampa nuerang ke'nanga mange ri Moncong Tabor.

HAKING-HAKING 8:18

Le'baki anjo akkuta'nammi Gideon mae ri Zebah siagang Salmuna angkana, “Antekamma tanja'na anjo sikamma tunubunoa ri Tabor”? Appialimi Zebah siagang Salmuna, “Ero' ngasengi ke'nanga santanja' ikau, sangkammai turungang karaeng.”

1 SAMUEL 10:4

La'barisallangi ke'nanga mae ri kau, siagang lanasareko ruambatu roti, namusti nutarimai.