1 SAMUEL 10:2 - KITTA' MATANGKASA'

² Punna nubokoima' anne alloa, lasibuntulukko siagang rua tu bura'ne ri ampi'na jera'na Rahel ri Zelzah ri daera Benyamin. Lanakana ke'nanga ri kau: Anjo keledai-keledai nuboyaya nibuntulu'mi. Kamma-kamma anne tenamo nalussa' manggenu ri passala'na anjo olo'-oloka, mingka tuli ia mami napakkuta'nangngang angkanaya apamo musti nagaukang untu' amboyako.”

1 SAMUEL 10:2 Iomraidhean Croise

PA'JARIANG 35:16

Le'baki anjo a'lampami Yakub siagang rombonganna ambokoi Betel. Ri wattu bellana ija sike'de' battu ri Efrata, narapi'mi wattunna Rahel ammana'. Mingka sukkaraki kalassukanna anjo ana'na.

PA'JARIANG 48:7

Anne kugaukangi kammaya, untu' Rahel amma'nu. Lalang ri pa'jappangku ammotere' battu ri Mesopotamia, matemi amma'nu ri butta Kanaan, tena nabella battu ri Efrata, nasanna' si'nana pa'maikku. Kutarawangi anjoreng, ri biring agang mangea ri Efrata.” (Kamma-kamma anne Efrata niaremmi Betlehem.)

YEREMIA 31:15

Nakana Batara, “Ri Rama nia' kalangngerang sa'ra karru', siagang kunrareng napakamma pacce. Rahel angkarruki ana'-ana'na, taerokai nisaleori lanri tena ngasemmi ke'nanga.

1 SAMUEL 10:16

Appialimi Saul angkana, “Napauanga' angkanaya nigappami anjo olo'-oloka.” Mingka tena nacaritai Saul mae ri purinanna angkanaya le'ba'mi niminynyaki na niangka' a'jari karaeng ri Samuel.