1 SAMUEL 10:1 - KITTA' MATANGKASA'

¹ Nampa angngalle Samuel botolo' minynya' zaitun, na napatiri' anjo minynyaka irate ri ulunna Saul, siagang nabaumi Saul, na nakana, “Naminyakiko siagang Naangkakko Batara a'jari karaeng mae ri Israel umma'Na. Lanuparentai umma'Na siagang lanukatutui ke'nanga battu ri musu-musunna ke'nanga. Iaminne pammatei mae ri kau angkanaya Napile mako Batara a'jari karaeng mae ri umma'Na:

1 SAMUEL 10:1 Iomraidhean Croise

2 SAMUEL 1:14

Akkanami Daud, “Barani sikaliko ambunoi karaeng Napilea Batara!”

2 SAMUEL 19:39

Nampa a'limbammo Daud siagang sikontu ana' buana ri Binanga Yordan. Nampa nabau Daud anjo lapung Barzilai siagang appala' kana mae ri ia. Le'baki anjo ammotere'mi Barzilai mange ri balla'na.

2 SAMUEL 20:19

Anne kotana ikambe iamintu kota Abel lompoi, kala se'renna kota kaminang amanga siagang tamamminraya pa'mai'na ri butta Israel. Angngapa nakiero' angngancuruki? Erokki' ampanraki buttaNa Batara?”

2 SAMUEL 5:2

Battu rioloji, ba'lalo ri wattu ammarentana ija Saul mae ri kambe, ikatte tonji karaeng ampimpingi tantarana Israel punna maju mange a'bundu'. Nampa pole le'ba'mi a'janji Batara mae ri katte angkanaya ikattemi lampimpingi umma'Na siagang la'jari karaeng mae ri ke'nanga.”

1 KARAENG-KARAENG 1:34

Anjoreng musti niangkaki ri Zadok siagang Natan a'jari karaeng Israel. Le'baki anjo musti nupasa'rai tarompeka nampa akkio' rannuko angkana, ‘Mattallasaki Karaeng Salomo!’

1 KARAENG-KARAENG 19:18

Mingka nia' 7.000 tu Israel laKupasalama', iamintu sikamma tau tuli majarreka mae ri Nakke siagang tenaya nale'ba' su'ju' anynyomba ri patung Baal yareka nabaui.”

2 KARAENG-KARAENG 20:5

ammotere' mange ri Hizkia, karaenna Umma'Na Batara, siagang napabattui pasang kammaya anne, “INakke, Batara, Allata'ala nisombaya ri boenu Daud, Kulangngere'mi pappala' doannu siagang Kucini'mi je'ne' matannu. LaKupammolleko battu ri garrinnu; ammembara' la'lampako mange ri BallakKu.

2 KARAENG-KARAENG 9:1

Anjo wattua akkioki Elisa kalase'renna anjo na'bi-na'bi naajaraka nampa nakana ri ia: “Apparuruko untu' a'lampa mange ri Ramot ri pa'rasangang Gilead, siagang erangi anne botolo' niaka minynya' zaitunna.

2 KARAENG-KARAENG 9:12

Appialimi ke'nanga angkana, “Tena, tena tojempa niassengi anne. Pau laloi!” Appialimi Yehu angkana, “Napabattuanga' pasanNa Batara angkanaya niangkakka' a'jari karaeng Israel.”

PAMMUJI 135:4

Napilei Yakub untu' KalenNa, umma' Israel Napa'jari Ia ampatangi.

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

PAMMUJI 78:71

battu ri tampa'na ammarakai anrong gimbala', untu' angkalawaki Israel umma'Na.

KALAPPASSANG 30:23

“Angngalleko rampa-rampa kaminang baji', annang kilo mur assolonga, tallu kilo kayu te'ne, tallu kilo ta'bu bau',

YEREMIA 10:16

Allata'alana Yakub tena nasangkamma anjo barhala-barhalaya; Ia ampa'jari sikontu apa niaka. Arenna iamintu Batara Kaminang Koasaya; Iami le'ba' ampilei Israel a'jari umma'Na.

YEHEZKIEL 16:13

Kammami anjo batenu a'belo-belo bulaeng siagang pera'; pakeannu battu ri kaeng lenang siagang sa'be nisulang. Akkulleko angnganre roti battu ri tarigu kaminang bajika, siagang je'ne' bani kammayatompa minynya' zaitun. Ga'ganu teai sipato' siagang a'jariko rapang baine karaeng.

HOSEA 13:2

Sa'genna ri kamma-kammaya anne anjo tu Efraim tulusu' a'gau' dosana ija; appareki ke'nanga patung-patung pera' untu' nasomba – iamintu patung nirancanakanga ri akkala' rupataua siagang nipareka ri limanna rupataua. Nakana ke'nanga, “Assareko koro'bang mae ri anne patung-patunga!” Appakalannasa'na, rupataua ambaui patunna ana' sapia!

LAMPA-LAMPANA 13:21

Nampa appala' ke'nanga sitau karaeng. Nisaremi Allata'ala ke'nanga se're karaeng, iamintu Saul, ana'na Kis, battua ri suku Benyamin. Iaminjo Saul a'jari karaeng ri ke'nanga patampulo taung sallona.

PAOLE 32:9

Mingka anne jari-jarina Yakub Napilei Batara untu' KalenNa.

1 TESALONIKA 5:26

Massing sibarisallangko para ikau ngaseng, assiamakko nusikarimangngi salaku tu Karisteng.

IBRANI 2:10

Memang siratang memang tongi Allata'ala – le'baka ampa'niaki sikontu apa-apaya situru' apa Nakaerokanga – ampa'jari Isa Pappasalama' sukkuka tete ri kasessanga. Lanri kammanami anjo nakkullemo jai tau Nakio' Allata'ala amminawang nipakalompo siagang Isa. Nasaba' Iami panynyungke oloang mae ri ke'nanga untu' akkulle nipasalama'.

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.

1 SAMUEL 12:3

Kamma-kammaminne, nakuammenteng ri dallekannu ngaseng! Punna nia' kasalang le'ba' kugaukang, tuntu'ma' ri dallekanNa Batara siagang ri dallekanna karaeng Napilea. Niakka nakule'ba' angngalle sapi yareka keledai battu ri tau maraengang? Niakka nakule'ba' annipu yareka anjallakkang tau yareka annarima doe' pacoco'? Paumi, sollanna akkulle kupoterang manna naapa-apa mamo.”

1 SAMUEL 13:14

Mingka kamma-kamma anne tenamo nalattahang pamarentahanta. Nasaba' tena nakituruki parentaNa Batara, laNapilemi Batara se're tumaraeng ia Nakaerokia untu' Naangka' a'jari karaeng mae ri umma'Na.”

1 SAMUEL 15:1

Ri se'reang allo nakanamo Samuel mae ri Saul, “Batara assuroa' amminynyakiki' siagang angngangkakki' a'jari karaeng mae ri Israel umma'Na. Lanri kammana anjo, musti kipilangngeri parentaNa Batara Kaminang Koasaya.

1 SAMUEL 15:17

Nakanamo Samuel, “Sai ikattemi a'jari pamimping mae ri suku-suku Israel, manna nakikana kalenta tu tuna? Napile maki' Batara a'jari karaeng mae ri tu Israel.

1 SAMUEL 16:1

Siapa are wattu ribokoanganna, Nakanamo Batara mae ri Samuel, “Siapapi sallonu lasi'na pa'mai' passabakkang Saul? Sai ia tenamo naniakui salaku karaeng Israel? Kamma-kamma anne angngalleko minynya' zaitun, siagang a'lampako mange ri Betlehem, mange ri se'reang tau niarenga Isai, nasaba' kalase'renna ana'na Kupilei a'jari karaeng.”

1 SAMUEL 16:13

Angngallemi linta' Samuel minynya' zaitun nampa naminynyaki Daud ri dallekanna sikamma daenna ngaseng. Anjo wattua nikoasai memammi Daud ri RohNa Batara. Appakkaramula anjo alloa siagang situlusu'na nirurungammi ri RohNa Batara. Nampa ammotere'mo Samuel mange ri Rama.

1 SAMUEL 2:10

Musu-musunNa Batara ancu'-ancuruki, mallaki ke'nanga; a'gunturuki battu ri langika. Batara angngadeli sikontu anne linoa, na Nasare koasa mala'biri' ri karaeng Nipilea.”

1 SAMUEL 24:6

Nakanamo ri ana' buana, “Tapporo Nakatutuia' Batara sollanna tena ku'gau' ja'dala' mae ri karaengku ia le'baka Napile Batara. Manna pole sike'de' takkullei kupa'risi, lanri iami karaeng Napilea Batara!”

1 SAMUEL 26:11

Tapporo Napisangkaia' Batara ambunoi karaeng Napilea! Alle bawammi pokena siagang pammoneang je'ne'na, nampa ki'lampa!”

1 SAMUEL 26:9

Mingka nakanamo Daud, “Teako apa-apai! Musti Nahukkungi Batara tau a'gau' ja'dalaka mae ri karaeng Napilea.

1 SAMUEL 8:19

Mingka taerokai anjo bansaya anjampangi kananna Samuel. Ba'lalo nakana ke'nanga, “Boli'mi kamma! Manna pole antekamma eroki ikambe karaeng.

1 SAMUEL 8:9

Lanri kammana anjo, turukiammi pappala'na ke'nanga; mingka pakainga' tojeng-tojengi ke'nanga, siagang pauangi angkanaya antekamma sallang lanigaukangi ri karaenga.”

1 SAMUEL 9:16

“Ammuko bari'basa' kira-kira ri wattu kamma-kammaya anne, nia' laKusuro sitau battu ri suku Benyamin battu angngagangko sibuntulu'. Minynyaki siagang angka'mi anjo taua untu' a'jari karaeng mae ri ummakKu Israel. Ia lallappassangi ummakKu battu ri tu Filistin. Kucini'mi kasessanna ummakKu siagang Kulangngere'mi karru'na ke'nanga appala' tulung.”

1 SAMUEL 9:27

Ri wattunna anrapi' ke'nanga ri birinna kotaya, nakanamo Samuel mae ri Saul, “Suroi anjo palayannu a'jappa riolo.” Jari a'lampami anjo palayanga. Nampa nakanamo pole Samuel ri Saul, “Ammantangko rolong anrinni sinampe', nia' pappasanNa Allata'ala lakupauangko.”