1 SAMUEL 1:3 - KITTA' MATANGKASA'

³ Taung-taungi Elkana a'lampa battu ri Rama mange assambayang ri Silo siagang assare koro'bang mae ri Batara Kaminang Koasaya. Ia a'jari imanNa Batara ri Silo, iamintu Hofni siagang Pinehas, ana'na Eli.

1 SAMUEL 1:3 Iomraidhean Croise

PAMMUJI 78:60

Nabokoimi KemaNa ri Silo, tampa' pammantanganNa ri alla'na rupataua.

KALAPPASSANG 23:14

“Tunggala' taung musti pintallungko appare' passua'-suarrang untu' ampakalompoA'.

KALAPPASSANG 23:17

Tunggala' taung, ri wattunna nigaukang passua'-suarrang anjo tallua, sikontu tu bura'nea musti battui anggaukangi ibadana mae ri Nakke, Karaeng Allata'alanu.

KALAPPASSANG 34:23

Lalanna sitaung musti battui pintallung sikamma tubura'-bura'nea anynyomba mae ri Nakke, Karaeng Allata'alana Israel.

LUKAS 2:41

Taung-taungi mange tau toaNa Isa ri Yerusalem untu' ampakalompoi allo Lompo Paskaya.

PAOLE 16:16

Sikontu tu bura'ne Israelka musti battui anynyomba ri Karaeng Allata'alanu ri anjo tampa' ibadaya pintallung lalanna sitaung, iamintu ri Allo Lompo Paskaya, ri Allo Lompo Pakkattoanga siagang ri Allo Lompo Pa'ballakang Leko'-leko' Kayua. Tunggala' taua musti angngerangi passare,

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

HAKING-HAKING 18:31

Anjo patung barhala bate pare'na Mikha tuli niaki ri Lais ri wattu nia'na KemaNa Batara ri Silo.

HAKING-HAKING 21:19

Nakanamo ke'nanga, “Kammanne! Nia' se're akkulle nigaukang, iamintu ri wattu passua'-suarrang tunggala' taunga untu' Batara ri Silo.” (Ri timboranna Silo niaki kota Betel, na laukanna nia' agang lompona Betel mange ri Sikhem, nampa warakkanna iamintu kota Lebona.)

1 SAMUEL 1:21

Narapi'mi pole wattunna Elkana siagang kaluargana a'lampa mange ri Silo untu' assare koro'bang taungang mae ri Batara. Pantaranganna anjo le'ba'mi a'janji Elkana untu' assare koro'bang attantua.

1 SAMUEL 1:9

Ri se'reang allo, ri le'ba'na ke'nanga angnganre ri Balla'Na Batara ri Silo, ammentemmi Hana battu ri mejang pangnganreanga. Anjo wattua, Imang Eli, ia niaka todong ri Balla'Na Batara, sitabangi ammempo ri kaderana ri ampi'na pakke'buka. Appala' doammi Hana mae ri Batara siagang si'na sikali, angngarru'-arru' tassunge'nge'.

1 SAMUEL 14:3

(Imang angngeranga Efod iamintu Ahiya ana'na Ahitub, iamintu sari'battanna Ikabod ana'na Pinehas, siagang Pinehas ana'na Eli, imanNa Batara ri Silo.) Tena todong naassengi ra'yaka angkanaya a'lampami Yonatan battu anjoreng.

1 SAMUEL 2:19

Taung-taungi amma'na appare' juba ca'di nampa nasareang Samuel punna battu anjo bainea siagang bura'nenna assare koro'bang taungang.

1 SAMUEL 2:34

Na la'jaria pammatei angkanaya ma'nassa lakajariang tojengi yangasenna anjo Kupaua, anjo ruaya ana'nu, iamintu Hofni siagang Pinehas lamatei lalang siallo.

1 SAMUEL 3:13

Le'ba'mi Kupau mae ri ia angkanaya laKuhukkungi kaluargana sa'genna satunggu-tungguna, lanri le'ba'Ma nahina ana'-ana'na. Naassengi Eli dosa-dosana ke'nanga, mingka tena nakalarroi ke'nanga.

1 SAMUEL 4:11

Ia Patti ParjanjianNa Allata'ala nirampasa'mi ri musua, siagang anjo ruaya ana'na Eli, iamintu Hofni siagang Pinehas, mate tommi.

1 SAMUEL 4:4

Nampa nia'mo tau nasuro ke'nanga mange ri Silo untu' angngallei Patti ParjanjianNa Batara, a'jaria empoang kala'biranNa Batara Kaminang Koasaya. Ruaya ana'na Eli, iamintu Hofni siagang Pinehas, anrurungangi anjo Patti Parjanjianga.