1 SAMUEL 1:18 - KITTA' MATANGKASA'

¹⁸ Appialimi Hana angkana, “Poro kipappala'-palakkanga' bapa'.” Nampa a'lampamo, namange angnganre. Tenamo nasi'na pa'mai'na.

1 SAMUEL 1:18 Iomraidhean Croise

PA'JARIANG 32:5

Kamma-kamma anne nia' sapiku, keledaiku, gimbalakku, bembeku, siagang tunisuroku. Akkiringa' kabara' mae ri karaengku, nakuminasai nalasannang pa'mai'na karaengku allangngereki.’ ”

PA'JARIANG 32:6

Ri wattunna ammotere' sikamma anjo tunasuroa Yakub, nakanamo ke'nanga, “Battumi ikambe ri Esau, daenta, nakamma-kamma anne niaki lalang pa'jappang, ero' battu mae ambuntuliki'. Battui mae sirurungang patambilangngang tau.”

PA'JARIANG 33:15

Nakanamo Esau, “Baji'mi punna kamma. Lakuboliki siapa are jaina ana' buaku nania' nuagang.” Mingka appialimi Yakub angkana, “Tea' maki' susa-susai, ero'naji kupakasannang atinta.”

PA'JARIANG 33:8

Akkuta'nammi Esau angkana, “Apa ero'nu ri anjo sikamma pa'rappungang kubuntuluka sumpadeng?” Appialimi Yakub angkana, “Untu' ampakasannangi atinta Daeng.”

PAMMUJI 34:6

Tu nijallakkanga manrannuangi ri Ia nampa a'jari rannumo, tenamo saba'na lasiri'-siri' ke'nanga.

KATO'BA 9:7

Umba, ningnganremo siagang a'rannu-rannu, inungi anggoro'nu numatte'ne-te'ne pa'mai'. Tena Napappisangkangi Allata'ala, ba'lalo Nakellai.

YOHANES 16:24

Sa'genna kamma-kamma anne tenapa nule'ba' appala' apa-apa lalang arengKu. Appalakko, nalanugappa, sollanna a'jari sukku' karannuannu.”

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

RUT 2:13

Appialimi Rut angkana, “Teai sipato' bajitta mae ri nakke Bapa', manna natena kusangkamma siagang pajama-jamata. Anjo somberetta teai sipato' nasaleorinna atingku.”

RUT 2:2

Ri se'reang allo akkanami Rut mae ri Naomi, “Amma' erokka' appala' kana mange anrappung gandung ia tu'guruka battu ri pakattoa. Tantu nia'ja tau ampa'bianga' appakamma anjo.” Appialimi Naomi angkana, “Baji'mi na', a'lampamako mange!”