1 SAMUEL 1:11 - KITTA' MATANGKASA'

¹¹ Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”

1 SAMUEL 1:11 Iomraidhean Croise

PA'JARIANG 28:20

Nampa assumpamo Yakub angkana, “Punna Natulunga' siagang Najagaia' Batara lalang ri anne pa'lampangku, siagang Nasarea' kanre siagang pakeang,

PA'JARIANG 29:32

Attianammi Lea nampa allassukang sitau ana' bura'ne. Nakanamo Lea, “Nacini'mi Batara kasusaangku, nakamma-kamma anne lanangaima' bura'nengku.” Nampa naaremmo anjo anaka Ruben.

PA'JARIANG 30:22

Nampa Nau'rangimo Allata'ala Rahel. Naturukiammi pappala' doanna siagang nasaremi pangngellai untu' allassukang ana'.

PA'JARIANG 8:1

Tena nikaluppai Nuh ri Allata'ala siagang sikamma olo'-olo' niaka naagang lalang ri anjo kappalaka. Napa'nia'mi Allata'ala anging mammirika, sa'genna appakkaramulamo naung anjo je'neka.

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

PAMMUJI 25:18

Kiparhatikangi sessaku siagang kasukkarrangku, siagang Kipammopporangi sikontu dosaku.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

PANGNGEBARANG 31:2

“Anakku, ana' nikamaseangku, kulassukanga lanri nipilangngerinna pappala' doangku. Apa kutadeng lakukana ri kau?

KATO'BA 5:4

Bajikangngangi tenaya ni'janji, kala a'janjia na tanirupaia.

KAIMANGNGANG 27:2

anne paratoranga untu' bansa Israel. Punna nia' tau nipassareang mae ri Batara untu' anrupai tinja'na, anjo taua musti nipasuluki siagang siapa are jaina doe'

PAMMILANGNGANG 21:2

Jari attinja'mi tu Israel mae ri Batara angkana, “Punna Kisare mamo pammetang ikambe mae ri anjo bansaya, anjo ke'nanga siagang sikamma kota-kotana lanitumpasaki ri kambe sa'genna cappu'.”

PAMMILANGNGANG 6:11

Anjo jangang-jangang sikayua musti napassareangi imanga untu' koro'bang pammopporang dosa, nampa sikayua pole untu' koro'bang nitunu untu' antangkasi kara'massanna. Ri ia memang anjo alloa musti natangkasi ammotere' uu'na mae ri Batara

PAMMILANGNGANG 6:5

Lalang attinja'na takkulleai napolong uu'na yareka takkulleai accukkuru'. Lalang anjo wattua, anjo uu'na siagang janggo'na musti naboliki a'jari la'bu. Tassikkoki mae ri tinja'na sa'genna le'ba' anjo tinja'na ansa'laki kalenna untu' Batara.

PAMMILANGNGANG 6:8

Lalang a'jarina tau attinja', ia a'jari tunisa'laki untu' Batara.

HAKING-HAKING 11:30

A'janjimi Yefta mae ri Batara angkana, “Punna nasarea' pangngellai Batara nakubeta tu Amon,

HAKING-HAKING 13:5

Punna lassu'mo ana'nu, tea sikaliko polongi uu'na. Nasaba' lalang nitianangang iji nale'ba' nipattantumo untu' a'jari tau attinja'. Iami labarjuang untu' allappassangi bansa Israel battu ri kakoasanna tu Filistin.”

1 SAMUEL 1:12

Sanna' sallona Hana appala' doang, naniparhatikang bawana ri Eli anjo bainea.

1 SAMUEL 1:19

Ammukona, ambangung bari'basa'mi Elkana siagang kaluargana. Na le'ba'na assambayang ri Batara, ammotere'mi ke'nanga mange ri Rama. Assikatinroammi Elkana siagang Hana, anjo bainenna, siagang niturukiammi pappala'na Hana ri Batara.

1 SAMUEL 1:22

Mingka anjo wattua tamminawangai Hana. Nakana ri bura'nenna, “Le'bappi sallang nisa'la' susu nampa kuerang Samuel mange ri Balla'Na Batara, nammantammo anjoreng lalang sikontu tallasa'na.”

1 SAMUEL 1:27

Iaminne ana' kupalaka battu ri Batara. Nasareamma' Batara pappalakku,

1 SAMUEL 1:28

na lanri kammana minjo nakupassareang anne anaka untu' a'jari Napatang Batara lalang sikontu tallasa'na.” Le'baki anjo assambayammi ke'nanga ri Batara.

1 SAMUEL 2:20

Nabarakkakimi Eli anjo Elkana siagang bainenna, na nakana ri Elkana, “Tapporo Nasare laloko pole ana'-ana' battu ri anne bainennu, untu' a'jari sambe ri ana' nupassareanga mae ri Batara.” Le'baki anjo ammotere'mi ke'nanga mange ri Rama.