२ तिमोथि 3:15 - माझी

¹⁵ तुइनिन स्‍यान्‍खोसिन ने पबित्‍र धर्‌मसास्‍तरकर बचन जान्‍लाछस। हेइ बचनिन खिरिस्‍ट येसुनाइ गर्‌ल बिस्‍वासबान मुक्‍ति पाइकर लागि तुइलाइ बुद्‌दि दिस्‍यास।

२ तिमोथि 3:15 Iomraidhean Croise

लुका 1:15

किनारइभने ह्‍व परमपर्‌भुकर हेराइनाइ बड्‌खो मानुस हक्‍नारआछ। होइनिन अङ्‌गुरकर मद्‌य र आने कुनइ पुनि मात्‍नार चिज खाइनार बइने। ह्‍व आमेककर पेटनाइ हक्‍तिन ने पबित्‍र आत्‍मान भरिपुर्‌न हक्‍नारआछ।

लुका 2:40

येसु बाढ्‌तिन बलियो हक्‍ले। अनि बुद्‌दि र ग्‍यानिन भरितिन जाइले र परमेसोरकर आसिर्‌बाद ह्‍व उप्‍रान रल्‍ति।

लुका 24:27

अनि येसुन होल्‍काइ मोसान र सेब्‍बाइ अगमबक्‍ताल्‍किन लेख्‍ल धर्‌मसास्‍तरनाइ आफ्‍ने बारेनाइ लेख्‍ल कुरो बुझाइदिल्‍याक।

लुका 24:32

अनि होल्किन आफि-आफिनाइ बाज्‍ला, “ह्‍व हाइसिन बाटनाइ कुरो गर्‌तिन हिन्तिनखेर हाइलाइ धर्‌मसास्‍तरबान बइबुज्ल कुरो बल्‍तिनखेर हाम्‍रो मन आनन्‍दित हक्‍ल बइरल्‍ति र?”

लुका 24:45

ह्‍व पछि येसुन होल्‍काइ धर्‌मसास्‍तरनाइ लेख्‍ल कुरो बुज्‍नार सक्‍ति दिल्‍याक।

पेरित 10:43

सेब्‍बाइ अगमबक्‍ताल्‍किन पुनि येसुकर बारेनाइ इनिखे बाज्‍लाछत, ‘येसुनाइ बिस्‍वास गर्‌नाराइ सेब्‍बाल्‍किन येसुकर नाउँनाइ पापबान छेमा पाइनार आछत।’”

पेरित 13:29

इत्‍तिके येसुकर बारेनाइ धर्‌मसास्‍तरनाइ लेख्‍ल सेब्‍बे कुरो पुरा गर्‌ल पछि होल्‍किन येसुलाइ कुरुसबान झारिकइ चिहाननाइ धर्‌ला।

पेरित 16:1

पावल डर्‌बि र लुस्‍त्‍रा सहरनाइ पुग्‍ले। उछिका तिमोथि नाउँ हक्‍ल एउटो चेला रइल। होक्‍रि आमेक पर्‌भुलाइ बिस्‍वास गर्‌नारि यहुदि बेटि रइलि र ब्‍वाक चाइ गिरिक रइल।

पेरित 17:2

सदइठि पावल बिस्‍राम-दिन ह्‍व सभाघरनाइ पुनि जाइले। होइनिन तिन हप्‍तासम्‍म बिस्‍राम-दिननाइ धर्‌मसास्‍तरकर कुरो लिके होल्‍कोसिन बहस गर्‌ले।

पेरित 26:24

पावलिन ह्‍य कुरो बाज्‍तिन गर्‌तिन फेस्‍तसिन बड्‌खो सोरिन साराइतिन बाज्‍ले, “ए पावल, तुइ बउलाइलइ, तोर धेरे ग्‍यानिन तुइलाइ बोउला बानाइल्‍यास।”

१ तिमोथि 4:13

मुइ नआउन्‍जेलसम्‍म मान्‍छेल्‍काइ धर्‌मसास्‍तर पढिके सुनाइनार, उत्‍साह दिनार र सिकाइनार कामनाइ लागिधर।

२ तिमोथि 1:1

मोर प्‍यारो बेटाक जिन्‍खाए तिमोथिलाइ मुइ पावलकर तर्‌फबान सेवाढोग। परमेसोरकर इछ्‌यान खिरिस्‍ट येसुनाइ हक्‍ल जिबनकर पर्‌तिग्‍या सुनाइलाइ मुइ पावल खिरिस्‍ट येसुकर पेरित हक्‍ल हो। परमेसोर ब्‍वा र खिरिस्‍ट येसु हाम्‍रो पर्‌भुबान तुइलाइ अनुगरह, किर्‌पा र सान्‍ति हक्‍दिक।

२ तिमोथि 1:5

मुइ तोर साँचो बिस्‍वासलाइ सम्‍जिछु। ह्‍व बिस्‍वास पइला तोरि बुडेर लोइस र आमेर युनिसनाइ रल्‍ति। मुइ ढुक्‍क आछु, ह्‍व बिस्‍वास तुइनाइ पुनि आछि।