२ तिमोथि 3:12 - माझी

¹² खिरिस्‍ट येसुनाइ धर्‌मि जिबन बिताइनार इछ्‌या गर्‌नाराइ सेब्‍बाइ सतावटनाइ पर्‌नाराइ ने आछत।

२ तिमोथि 3:12 Iomraidhean Croise

मर्‌कुस 10:30

होइनिन सतावट र दुखकर साथनाइ सय गुना आमा-ब्‍वा, बेटाक-बेटेक, दाजि-भाइ, दिदि-बइनि, घरबार, जग्‍गा-जमिन पाइनार आछ, अनि आइनार युगनाइ अजम्‍बरि जिबन पाइनार आछ।

पेरित 14:22

होल्‍किन ह्‍व ठउँ-ठउँनाइ हक्‍लाइ पर्‌भुकराइ चेलाल्‍काइ आत्‍मानाइ दरो बानाइला र बिस्‍वासनाइ लागिधरइ बाजिके उत्‍साह दितिन बल्‌-ल्‍याक, “हाइ परमेसोरकर राज्‍यनाइ जाइकर लागि धेरे दुख कस्‍ट सइपर्‌छइ।”

१ तिमोथि 2:2

अनि राजालत र उच्‍च पदनाइ हक्‍लाइ हाकिमको लागि पुनि पार्‌थना गरो, ता कि हाइ सुख-सान्‍ति र आनन्‍दसाथ सदइ पबित्‍र र आदरकर जिबन बिताइ सकु।

१ तिमोथि 3:16

हाइलाइ था आछ, हाइनिन गर्‌ल बिस्‍वासकर रहस्‍य एकदम बड्‌खो आछि, ह्‍व मानुसकर सरिरनाइ देखा पर्‌ले, पबित्‍र आत्‍माबान धर्‌मि ठहरिले, अनि होलाइ स्‍वर्‌गदुतकिन देख्‍ला, जाति-जातिल्‍को माजनाइ पर्‌चारिले, सन्‍सारनाइ होलाइ बिस्‍वास गर्‌ला, सम्‍मानसाथ होलाइ स्‍वर्‌गनाइ लाकाल्‍ते।

१ तिमोथि 6:3

यदि कुन्‍नुल्‍किन झुटो सिछ्‌या सिकाइछइ र हाम्‍रो पर्‌भु येसु खिरिस्‍टकर सत्‍य बचन र धार्‌मिक सिछ्‌यानाइ सहमत बइहक भने,

तितस 1:1

परमेसोरकर दास र येसु खिरिस्‍टकर पेरित मुइ पावलकर तर्‌फबान सेवाढोग। परमेसोरिन छान्‍लाइ मान्‍छेल्‍काइ बिस्‍वासनाइ बल्‌-ल्‍यो बानाइलाइ र परमेसोरलाइ मन पर्‌नार जिबन किनिखे बिताइनार बाजिके सत्‍यकर ग्‍यान सिकाइलाइ होइनिन मुइलाइ छानिकइ पाठाइलाछ।

तितस 2:12

ह्‍य अनुगरहन हाइलाइ परमेसोरलाइ मन बइपर्‌नार जिबन र सन्‍सारिक लोब त्‍यागइ लाइछइ, र आफिन आफिलाइ अधिननाइ धरिके ह्‍य सन्‍सारनाइ सोजो र धर्‌मि जिबन बिताइ सिकाइछइ।