२ तिमोथि 2:24 - माझी

²⁴ पर्‌भुकर सेबक झगडा गर्‌नार हकइ बइहक। तर सेब्‍बाल्‍कोसिन मिल्‍नार, मजसिन सिकाइ सक्‍नार, सेब्‍बे कुरो सइ सक्‍नार,

२ तिमोथि 2:24 Iomraidhean Croise

पेरित 15:2

इन्‍खा सिछ्‌या सुनिके पावल र बारनाबासकर होल्‍कोसिन मतभेद र बाद-बिबाद हक्‍लपछि उछिराइ दाजि-भाइकिन पावल, बारनाबास र आने केइ बिस्‍वासिल्‍काइ ह्‍य परस्‍नकर फइसला गरइकर लागि पेरितलत र एल्‍डरकोनाइ यरुसलेम जाइलाइ छान्‍ला।

पेरित 23:9

होइहुदान उछिका बड्‌खो होहल्‍ला हकल्‍ते। फरिसि दलकराइ केइ धर्‌म-गुरुकिन ठडाइके सदुकिकाइ बिरोद गर्‌तिन बल्‍ला, “हाइ ह्‍य मानुसनाइ केइ दोस बइपाइले। यदि आत्‍मान वा स्‍वर्‌गदुतिन ह्‍यलाइ इन्‍खा बल्‍ल हो भने ता केति हक्‍लो ते?”

पेरित 7:26

अर्‌को दिन मोसान दुइटाइ इज्‍राएलिल्‍काइ आफि-आफिनाइ झगडा गरिधर्‌ल देख्‍ले, र होल्‍काइ मिलाइनार कोसिस गरिके बल्‌-ल्‍याक, ‘तोरा ता दाजेक-भाएक हकिके पुनि किनारइ आपसनाइ झगडा गर्‌छो?’

१ थेसलोनिकि 2:7

तर हाइ ता आफ्‍ने नानिल्‍काइ स्‍याहार्‌नारि आमेक जिन्‍खाए नम्‍र हकिके तोराल्‍को माजनाइ सेवा गर्‌ले।

१ तिमोथि 6:11

तर तुइ परमेसोरकर जन हक्‍ल हुदान ह्‍य कुरोबान बद्‌दुर बस, धार्‌मिकतानाइ, परमेसोरकर डरनाइ, बिस्‍वासनाइ, मयानाइ, इस्‍थिरतानाइ र नम्‍र हक्‍नार कुरोनाइ आफ्‍ने मन लाउ।

तितस 1:1

परमेसोरकर दास र येसु खिरिस्‍टकर पेरित मुइ पावलकर तर्‌फबान सेवाढोग। परमेसोरिन छान्‍लाइ मान्‍छेल्‍काइ बिस्‍वासनाइ बल्‌-ल्‍यो बानाइलाइ र परमेसोरलाइ मन पर्‌नार जिबन किनिखे बिताइनार बाजिके सत्‍यकर ग्‍यान सिकाइलाइ होइनिन मुइलाइ छानिकइ पाठाइलाछ।

तितस 1:7

किनारइभने परमेसोरकर काम गर्‌नार हक्‍ल हुदान अगुवा चाइ निर्‌दोस हकइपर्‌छइ। ह्‍व झट्‍टइ बइरिसाइनार, मातिकइ बइहिन्‍नार, झगडा बइगर्‌नार, र धनकर लोब बइगर्‌नार हकइपर्‌छइ।

तितस 1:9

आफिन पाइल साँचो सिछ्‌यानाइ इस्‍थिर हकइ पर्‌छइ, र होइनिन आनेल्‍काइ पुनि ह्‍व साँचो सिछ्‌याबान उत्‍साह देइ सक्‍दिक। ह्‍व सिछ्‌याकर बिरोद गर्‌नारकाइ पुनि गल्‍ति देखाइ सक्‍नार हकइपर्‌छइ।

तितस 3:2

होल्‍किन कुनुल्‍को बदनाम जुनगर्‌दिखन, झगडा जुनगर्‌दिखन, तर सेब्‍बाइ मान्‍छेल्‍कोसिन नम्‍र र मिल्‍नाराइ हक्‍दिखन।