२ तिमोथि 2:12 - माझी

¹² हाइनिन ह्‍वसिन दुख सइ सक्‍ले भने, हाइ ह्‍वसिन ने राज्‍य गर्‌नारआछे। हाइनिन होलाइ इन्‍कार गर्‌छे भने, होइनिन पुनि हाइलाइ इन्‍कार गर्‌नारआछ,

२ तिमोथि 2:12 Iomraidhean Croise

मर्‌कुस 10:33

“सुनो, हाइ यरुसलेम जाइतिन आछे। उछिका मानुसकर बेटाकलाइ मुख्‍य पुजारि र धर्‌म-गुरुल्‍को हातनाइ सुम्‍पिनार आछत, र होल्‍किन होलाइ मारइ पर्‌छइ बाजिके आने जातिकराइ मान्‍छेल्‍काइ जिम्‍मा दिनार आछत।

मर्‌कुस 8:38

अनि ह्‍य बेभिचारि र पापि पुस्‍तानाइ जुन मुइ र मोर बचनदेखि लाजाइछइ, मानुसकर बेटाक पुनि ब्‍वाककर महिमानाइ र पबित्‍र स्‍वर्‌गदुतकोसिन आइतिन ह्‍व देखि लाजाइनारआछ।”

लुका 12:9

तर जुनिन मुइलाइ मान्‍छेल्‍को अगाडि बइचिनु बाज्‍छइ, ‘मुइ पुनि होलाइ परमेसोरकर स्‍वर्‌गदुतको अगाडि बइचिनु बाज्‍नारआछु।’

लुका 22:29

जिनिखे मोर ब्‍वान मुइलाइ एउटो राज्‍य गर्‌नार अधिकार दिले, मुइ पुनि तोराल्‍काइ दिनारआछु।

लुका 22:30

मोर राज्‍यनाइ तोरा मुइसिन टेबुलनाइ बसिके खाइनार र पिनारआछो अनि सिहासननाइ बसिके इज्‍राएलकराइ बारे कुल उप्‍रान न्‍याय गर्‌नारआछो।”

लुका 9:26

जुन मानुस मुइसिन र मोर बचनसिन लाजाइछइ, मानुसकर बेटाक पुनि आफ्‍ने र आफ्‍ने ब्‍वाककर र पबित्‍र स्‍वर्‌गदुतकर महिमानाइ आइतिन होलाइ आफ्‍ने बलइलाइ लाजाइनारआछ।

पेरित 14:22

होल्‍किन ह्‍व ठउँ-ठउँनाइ हक्‍लाइ पर्‌भुकराइ चेलाल्‍काइ आत्‍मानाइ दरो बानाइला र बिस्‍वासनाइ लागिधरइ बाजिके उत्‍साह दितिन बल्‌-ल्‍याक, “हाइ परमेसोरकर राज्‍यनाइ जाइकर लागि धेरे दुख कस्‍ट सइपर्‌छइ।”

१ तिमोथि 5:8

यदि कुन्‍नुल्‍किन आफ्‍ने नातेदारकर र खास गरिके आफ्‍ने परिवारकर पालनपोसन बइगर भने ता होइनिन बिस्‍वास गरइ छाड्‌छइ, र बिस्‍वास बइगर्‌नाराइ भन्‍दा पुनि खराब हक्‍छइ।